" தீபங்களின்....விழா.... தீபாவளித் திருவிழா!
தாய்த் தமிழகத்தையே பார்த்திராத, உலகெங்கும்
திட்டுத்திட்டாய் சிதறி....நிரந்தர வாழ்விடமாய்க்
கொண்டு வாழ்ந்துவரும் சின்னஞ்சிறார்களுக்கும்,ஏன்?
வாலிப வயதினருக்கும் கூட சில பண்டிகைகளின் மரபுகள் தெரியாமலிருக்கும்!
எதோ, பண்டிகை வருகிறது. எண்ணெய் தேய்த்துக் குளிக்கிறோம். புத்தாடை உடுத்துகிறோம். வெடி வெடிக்கிறோம்! தடபுடலான விருந்துகளில் ஊரும் உறவும் திளைத்துக் கிடப்பதில் மகிழ்ந்து போகிற நாட்களாகத்தான்பண்டிகைகள் வந்து போவதாகக் கருதுபவர்கள் ஏராளம்!
இன்னும் சொல்லப்போனால் தீபாவளியா? பொங்கலா? ஏதோ ஒரு சனி ஞாயிறில் ஏதோ ஒரு அமைப்பில் அசோசியேசன் நடத்துகிற ஒரு சில மணித்துளி நிகழ்வில் போயமர்ந்து பலரும் கொண்டு வந்த விதவிதமான உணவு வகைகளைருசி பார்த்து விட்டு வரும் நாளாகத்தான் அமெரிக்காவில் வாழும் வாலிபவயதினரும் அறிந்து வைத்திருக்கிறார்கள் என்பதுதான் கசப்பானஉண்மை!
அங்கும் தமிழில் பேசுவோர் வெகு சொற்பம்; தீபாவளிக்குஇந்த சனிக்கிழமை ஏற்பாடுகள் செய்யப்பட்டிருக்கிறது என்பதையேநுனி நாக்கு ஆங்கிலத்தில் தமிழர்கள் இல்லத் தொலைபேசி குரல்அஞ்சலில் (Voice Mail) தெரிவித்திருப்பார்கள், தமிழ் அமைப்பைச் சேர்ந்தவர்கள்!தமிழ் அமைப்புகள், தமிழர்களின் இல்லங்களுக்கு தொடர்புகொண்டு பேசும்போதுகூட தமிழில் பேசத்தயங்குகிறார்கள் என்பது வேறு விசயம்.
இவ்வளவையும் மீறி, அந்தப் பண்டிகையின் சிறப்பையோ மூலத்தையோ சொல்லித் தர அந்த அமைப்புகளுக்கோ அல்லது பெரியவர்களுக்கோ நேரம் வாய்ப்பதில்லை!அப்படிப்பட்டவர்களுக்காக தீபாவளிப் பண்டிகையின் சிறப்புகளை சங்கமம் மூலம்இந்தக் கட்டுரையை அளிப்பதில் பெருமகிழ்ச்சியே! பண்டிகைகள்......!
வாழ்க்கையில் பலவித சோதனைகளும், இஇன்ப துன்பங்களும் மாறி மாறி வருவதால் பலருக்கும் வாழ்க்கை அலுத்துவிடுகிறது. தற்போதைய இஇளைஞர்களின் வார்த்தையில் கூறுவது என்றால் 'Bore அடிக்கிறது'. வழிநெடுக நடந்து களைத்துப் போனவன் தாகசாந்தி செய்து சற்றே இளைப்பாறுவதுபோலத்தான் வருடத்தில் சில மாதங்கள் தேர்... திருவிழா....பண்டிகைகள் என்று மனித குலம் குதூகலித்துக் கொள்கிறது!
இவ்விதம் வாழ்க்கையில் அலுப்புத் தட்டாமல் இஇருப்பதற்கும், அதே சமயத்தில் ஆன்மிகத்திலும், இறைபக்தியிலும் மனம் ஈடுபடுவதற்காகவுமே பல பண்டிகைகளை நமது ஆன்றோர்களும், சான்றோர்களும் நிர்ணயித்து உள்ளனர். அத்தகைய சிறப்பு மிகுந்த பண்டிகைகளில் ஒன்றே தீப - ஒளி என்ற தீபாவளி ஆகும்.
உலகெங்கும் உள்ள இந்துப் பெருமக்களால் கொண்டாடபடும் தீபங்களின் விழா... தீபாவளித் திருவிழா!
தீபாவளி என்றால் தீபம் + வளி ... வளி என்றால் வரிசை என்று பொருள். வரிசையாக தீபங்களை வைத்துக் கொண்டாடப்படுகிற பண்டிகையாக இருந்ததால் தீபாவளி என்ற காரணப் பெயராக நிலைத்துவிட்டது!
ஐப்பசியில் கொண்டாடப்படுகிற மிக முக்கியமான திருவிழா தீபாவளி.
ஐதீகமாகவும், தத்துவார்த்த ரீதியிலும் விளங்கும் தீபாவளியானது உலகின் பல பாகங்களில் வெகு விமரிசையாகக் கொண்டாடப்படுகிறது. தீமையை விலக்கும் உண்மையாகவும், இருளை விலக்கும் ஒளியாகவும் இந்த விழாவைச் சொல்றோம்.
இந்தியத் தத்துவ மரபில் ஒளி என்பது ஞானத்தின் குறியீடாகக் கருதப்படுகிறது. எனவே தீபாவளிப் பண்டிகையின் போது ஏற்றப்படும் எண்ணெய் விளக்குகள் மனிதனுக்கு ஞானத்தைக் கொண்டு வருவதாக ஐதீகம்.
வேத காலத்திலிருந்து கொண்டாடப்பட்டு வரும் இஇந்த விழாவானது மனிதர்களிடையே அன்பையும் நட்புறவையும், ஞானத்தையும் வலியுறுத்துகிறது.
பஞ்சாங்கங்களில் தீபாவளியன்று காலையில் "சந்திர தரிசனம் " என்றோ சந்திரோதயத்தின் போது கங்கா ஸ்நானம் செய்ய உத்தமம் என்றோ காணப்படும். "சந்திர தரிசனம்" என்றால் என்ன?
ஐப்பசி மாதத்தில் தேய்ப்பிறை பதினான்காம் நாளாகிய சதுர்த்தசியன்று சூரிய உதயத்திற்கு சுமார் ஒன்றரை மணி நேரத்துக்கு முன்பாக பிறைச் சந்திரன் மெல்லியதொரு கீற்றாகத் தோன்றும்.இஇது கிழக்கில் அடிவானத்தில் தெரியும்.
சூரியன் உதயமாகிவரும் நேரத்தில் சூரிய ஒளியில் அது மங்கிப்போய் கண்ணுக்குப் புலப்பட மாட்டாது. ஆனாலும் கூட சூரிய உதயத்திற்கு முன்பு கவனமாகத் தேடிப்பார்த்தால் சுமார் 20 நிமிடங்களுக்கு சந்திரனைக் காண முடியும். மேகமூட்டமோ, மூடுபனியோ இஇல்லாது இருக்கவேண்டும்.
இந்த நேரத்தில் பூமியில் உள்ள அனைத்து நீர் நிலைகளிலும் ஆகாச கங்கை ஆர்ப்பரிக்கும். ஆகவே அந்த நேரத்தில் எண்ணெய் தேய்த்துக் குளிக்க வேண்டும். ஆகையால்தான் தீபாவளியன்று விடியுமுன் குளிப்பதை "கங்காஸ்நானம்" என்று கூறுகிறார்கள். கங்காஸ்நானம் செய்த புண்ணியம் கிடைக்கும் என்று ஆன்றோர் கூறுவார்கள்.
சூரியன் உதயமாவதற்கு முன்னர் பிறைச் சந்திரன் தோன்றும் வேளையில் பூமியில் உள்ள நீர்நிலைகளில் கங்காதேவி ஆவாஹனம் ஆவாள். அதே சமயத்தில் நல்லெண்ணெயில் மஹாலட்சுமியின் அம்சங்கள் தோன்றும். ஆகையால் அந்த நேரத்தில் எண்ணெய் தேய்த்து கங்கா ஸ்நானம் செய்வார்கள். புத்தாடை அணிந்து மகிழ்வார்கள். தீபாவளியை ஒரு நாள் கொண்டாடுவோரும், நான்கு நாள், ஐந்து நாள் கொண்டாடுவோரும் உண்டு என்றாலும் அமெரிக்காவிலோ இஇல்லை கனடாவிலோ வார வேலை நாட்களில் வந்தால் அதாவது வியாழக்கிழமை தீபாவளி என்றாலும் அந்த வார இறுதி நாளான சனிக்கிழமையோ, ஞாயிற்றுக்கிழமையோ தான் கொண்டாடப்படுகிறது.
தமிழகத்தில் ஒருநாள் தீபாவளி கொண்டாடப்பட்டாலும் இஇந்தியாவின் சில மாநிலங்களில் அதாவது ராஜஸ்தான் மற்றும் உத்தரப்பிரதேச மாநிலங்களில் தீபாவளி ஐந்து நாட்கள் என்ற அளவில் வெகு அமர்க்களமாகக் கொண்டாடப்படுகிறது. இஇந்துக்கள் மட்டுமின்றி ஜைன, பெளத்த சமயத்தைச் சார்ந்தவர்களும் சேர்ந்து கொண்டாடுகிற......
ஒரு உன்னதமான பண்டிகை தீபாவளி !
இந்தியத் தத்துவ மரபானது ஐந்தாயிரம் ஆண்டு பாரம்பரியத்தை உடையது. இஇந்த மரபில் தீபாவளி குறித்து ஏராளமான கதைகள் புழக்கத்தில் இஇருக்கிறது. தீபாவளியின் தோற்றம் குறித்த கதையாக நரகாசுரனைக் கிருஷ்ணனும், சத்தியபாமாவும் சேர்ந்து அழித்த கதைதான் எல்லோருக்கும் தெரிந்த ரகசியக் கதை. உங்கள்ல சிலருக்கு... இஇல்ல... உங்க குழந்தைகளுக்குக் கூடத் தெரியாம இருக்கலாம்.
நரகாசுரனைச் சத்தியபாமா வதம் புரிந்ததைத் தீபாவளியாகக் கொண்டாடுவதாகத் தமிழர்கள் நம்புகிறார்கள். இஇதற்குரிய கதை 'காளிகா புராண'த்திலும் வேறு சில புராணங்களிலும் உபகதையாகச் சொல்லப்பட்டுள்ளது. கிருஷ்ணன் சத்தியபாமா சம்பந்தப்பட்ட விழாவாக முழுக்க முழுக்க இஇருந்தால் இஇது வைணவ விழாவாகக் கருதப்பட்டிருக்கும். ராமநவமி, கோகுலாஷ்டமி, வைகுண்ட ஏகாதசி போன்ற திருநாள்களைக் கொண்டாடத் தயங்கும் தீவிர சைவர்கள் தீபாவளியையும் ஒதுக்கியிருப்பார்கள் அல்லவா?
நவராத்திரியைத் தவிர்த்து இஇந்தியர்கள் அனைவராலுமே மிகச் சிறப்பாகக் கொண்டாடப்படும் திருநாள் திபாவளிதான்.
வடநாட்டில் கோலாகலமாகக் கொண்டாடப்படும் ஹோலிபண்டிகையைத் தென்னாட்டில் கொண்டாடுவதில்லை.
தமிழகத்தின் பொங்கல் கேரளத்தில் அவ்வளவாகக் கொண்டாடப்படுவதில்லை. கேரளத்தின் ஓணம் மற்ற இஇடங்களில் கிடையாது. ஆனால் தீபாவளியை இந்தியர்கள் அனைவருமே கொண்டடுகிறார்கள். ஆனால் ஒவ்வொரு இஇடத்தில் ஒவ்வொரு காரணத்தைக் கூறிக்கொள்கிறார்கள்.
தீபாவளிக் கதை.....1
பூமாதேவியோட மகன்தான் நரகாசுரன்! நரகாசுரன் பிரம்மாகிட்ட ஒரு வரம் வாங்கினான். தன்னோட தாயைத் தவிர வேறு எவராலும் தனக்கு சாவு...மரணம் சம்பவிக்கக் கூடாதுன்னு பிரம்மனிடம் வரம் வாங்கியிருந்தான். வரத்தை வாங்கீட்டோம்ங்கிற தைரியத்துல அவனைவிட பலம் வாய்ந்த தேவர்களையும், நாட்டு மக்களை பல துன்பங்களுக்கும் தொல்லைகளுக்கும் ஆளாக்கினான்.
எப்டிப்பட்ட தொல்லைன்னா இராத்திரியில யாரும் வீட்டுல வெளக்கேத்தக் கூடாதுன்னு உத்தரவு போட்டான். வெளிச்சத்தை வெறுக்கும் அரக்கன் அவன்! இருளை நேசிக்கும் இஇரக்கமில்லாதவன். வெளிச்சவிளக்குகளை வீட்டில் வைத்தவர்களின் தலைகளைக் கொய்தான், கொடும்பாதகன் நரகாசுரன்!
நரகாசுரனின் கொடுமைகளைத் தாங்க முடியாத மக்கள், பகவான் கிருஷ்ணரிடம் முறையிட்டனர். கிருஷ்ணரும் நரகாசுரனை அழிக்கிறேன் என்று சொல்லி மக்களுக்கு ஆறுதல் சொன்னார். மக்களுக்கு வாக்குறுதி கொடுத்துட்டு கம்முன்னு சும்மா இருக்க முடியுமா? பூமாதேவியின் அவதாரமான சத்தியபாமாவுடன் நரகாசுரனை எதிர்த்துச் சண்டை போடுறதுன்னு முடிவு செஞ்சார் பகவான் கிருஷ்ணர். சண்டை ஆரம்பிச்சுச்சு. போர் நடக்கும்போது நரகாசுரன் விட்ட அம்பு கிருஷ்ணருக்கு மயக்கமடையிர நிலைக்கு ஆளாயிட்டார். பூமா தேவி இதைப் பாத்தாங்க. அவங்க மனசு பொறுக்கல. மிகுந்த கோபத்தோட சத்தியபாமா, நரகாசுரனோட சண்டை போட்டாங்க. கொடியவன் நரகாசுரனை வெட்டி வீழ்த்தினாங்க, சத்தியபாமா. நரகாசுரன் சாகிறதுக்கு முன்னாடி தன் தாயிடம் ஒரு விண்ணப்பம் செஞ்சான்.
எனக்குச் சாவு வரதுக்கு காரணம், நான் எல்லோரையும் வெளக்கேத்தக் கூடாதுன்னு சொன்னதுதான்! அதனால நான் இஇறக்கிற இஇந்த நாளை மக்கள் வெளக்கேத்தி சந்தாஷமாக் கொண்டாட நீங்கதான் ஏற்பாடு செய்யணும்ன்னு கேட்டான்.
பூமாதேவி நரகாசுரனின் கோரிக்கையை நிறைவேத்துறதா ஒத்துக்கிட்டாங்க. மக்களே, அரக்கன் ஒழிஞ்சான் அப்டீங்கிற நிம்மதியோட வீட்டுவீட்டுக்கு வெளக்குகளா ஏத்தி தங்களோட சந்தோஷத்தை வெளிப்படுத்துனாங்க. வீட்டுல யாரும் வெளக்கு ஏத்தக் கூடாதுன்னு நரகாசுரன் போட்ட தடை நீங்கிடிச்சு இல்லையா? அதனால நரகாசுரன் என்ற அந்தக் கொடிய அரக்கன் இஇறந்து அழிந்து ஒழிந்த அந் நாளை தீபங்கள் ஏற்றி வெளிச்சத் திருவிழாவாக.... தீபத்திருவிழாவாக.... தீபாவளியாக எல்லோராலும் கொண்டாடப்படுகிறது. தவறு செய்பவர் தன் மகனேயானாலும் அவன் மகன் என்று பாராமல் தண்டிக்கவேண்டும் என்பதுதான் இஇதில் பொதிந்திருக்கும் உண்மை!
சத்தியபாமையென்ற பெண்ணின் உதவியின்றியே கிருஷ்ணரால் நரகாசுரனை வென்றிருக்க முடியும். பின் ஏன் அப்பெண்ணின் துணையை அவன் நாடினான்?
இதில் வாழ்க்கையின் ஒரு முக்கியத் தத்துவம் அடங்கியுள்ளது. இஇன்ப, துன்பம்
நிறைந்த வாழ்க்கையில் மனைவியென்ற ஒரு துணையின்றி வெற்றி பெறயியலாது என்பதை உணர்த்துவதற்காகவே சத்தியபாமையென்ற பாத்திரம் உருவாக்கப்பட்டுள்ளது. கணவனும், மனைவியும் இஇணைந்து வாழ்வதே உண்மையான வாழ்க்கையாகும்.
தீபாவளி கொண்டாடப்படுவதற்கான காரணங்கள் இஇன்னும் பல கூறப்படுகின்றன.
தீபாவளிக் கதை.....2
இராமயணக் காவியத் தலைவர் இராமர் வனவாசம் முடிந்து அயோத்தி திரும்பிய நாள் என்றும், திருமால் வாமன அவதாரமெடுத்து மகாபலியை வதம் செய்த நாள் என்றும், சிலர் அதுதான் புதிய ஆண்டும் என்றும் தீபாவளியைக் கொண்டாடுகின்றனர்.திருமுருக கிருபானந்த வாரியார் தீபாவளிக்குச் சொல்ற காரணத்தையும் நாம் ஒதுக்கித் தள்ளிவிட முடியாது!?
தீபாவளிக் கதை.....3 கிருபானந்த வாரியார் சுவாமிகள் சொல்றார்.....
" தீபாவளி என்னும் நன்னாளைப் பொன்னாளாக யாண்டுங் கொண்டாடுகிறார்கள். ஆனால் அதன் உண்மையறிந்தவர்கள் ஒரு சிலரேயாவார்கள்.
பெரும்பாலோர், நரகாசுரனைக் கண்ணபிரான் சங்கரித்தார். அந்த அரக்கனை அழித்த நாளே தீபாவளி என்று கூறிக் கொண்டிருக்கிறார்கள். நரகாசுரனைச் சங்கரித்த நாள் அதுவாக இருக்கட்டும். ஆனால் கேவலம் ஒரு கொடியவனைக் கொன்ற நாளுக்கு ஒரு கொண்டாட்டம் நிகழ்வது யாண்டும் எக்காலத்தும் இருந்ததில்லை.
அப்படியிருக்குமாயின், இஇரணியைனக் கொன்ற நாள், இஇராவணனைக் கொன்ற நாள், கம்சனைக் கொன்ற நாள், இஇடும்பனைப் - பகனைக் கொன்ற நாள், துரியோதனனைக் கொன்ற நாள், அவ்வாறே அந்த காசுரன் சரந்தராசுரன், இரண்யாட்சன், திருவணாவர்த்தன் இஇப்படிப் புகழ் படைத்த அரக்கர்கள் ஒவ்வொருவரையுங் கொன்ற நாட்களையெல்லாம் கொண்டாடுவதாயின், ஆயுளே அதற்குச் சரியாகி விடும். ஆகவே
நரகாசுரனைக் கொன்றதற்காகத் தீபாவளி ஏற்பட்டதன்று,"
தீபம் -விளக்கு, ஆவளி- வரிசைதீபத்தை வரிசையாக வைத்துச் சிவபெருமானை வழிபடுவதற்கு உரிய நாள் தீபாவளி என உணர்க. தீபமங்கள ஜோதியாக விளங்கும் சிவபெருமானை, நிரம்பவும் விளக்கேற்றி வணங்கினார்கள் நமது முன்னோர்கள்.திருக்கார்த்திகையில் விளக்கேற்றி வணங்குகின்றார்களன்றோ?" விளக்கீடு காணாதே போதியோ பூம்பாவாய்என்பது ஞான சம்பந்தர் திருவாக்கு. " என்று குறிப்பிடுகிறார் வாரியார் சுவாமிகள்!
தீபாவளிக் கதை.....4
சீக்கியர்கள் தீபாவளி கொண்டாடுற..... தீபாவளிக்கு சொல்ற காரணம் வேற. சீக்கிய மதத்தின் ஆறாவது குருவான குரு கோவிந்த சிங் குவாலியர் சிறையில் அடைக்கப்பட்டிருந்தார். அவர் சிறையிலிருந்து விடுபட்ட நாளைத்தான் தீபாவளியாகக் கொண்டாடுவதாச் சொல்றாங்க!
ஓ! இஇதான் தீபாவளி பிறந்த கதையா? அப்டீன்னு நீங்க கேட்டா, இஇல்லை...
இது மாதிரி நெறைய தீபாவளிக் கதைகள் இஇருக்கு... விரிவாச் சொல்லாட்டாலும் கொஞ்சம் சுருக்கமாவே சொல்றேனே!?
தீபாவளிக் கதை.....5
ராமர் 14 வருஷ வனவாசத்துக்குப் பிறகு மனைவி சீதையோடவும் தன்னோட அருமைத் தம்பி இலக்குமணனோடும் அயோத்தி திரும்புறாங்க. கம்பர் அந்த அயோத்தி நகரம் எப்டி விழாக்கோலம் கொண்டிருந்துச்சுன்னு அழகாச் சொல்லுவார்.
ஆக விஷ்ணுவின் ஏழாவது அவதாரமான ராமர் வனவாசம் முடிந்து அயோத்திக்குத் திரும்பிய அந்த மகோன்னத நாளைத்தான் தீபாவளித் திருநாளாகக் கொண்டாடுவதாகச் சொல்வாரும் உண்டு!
தீபாவளிக் கதை.....6
இன்னும் சிலர் ராமன், அரக்கன் ராவணனை அழித்தொழித்த நாளைத்தான் அயோத்தி நகர மக்கள் வீடுகளில் எண்ணெய் விளக்குகள் ஏற்றிக் கொண்டாடிய அந்த நாளே தீபாவளி என்று சொல்வாரும் உண்டு.
தீபாவளிக் கதை.....7
மகாபலி என்ற அரக்கனை அழிக்க மகாவிஷ்ணு ஒரு தந்திரம் செய்தார். அவர் வாமன வடிவமெடுத்து மகாபலியிடம் வந்தார். தமக்கு மூன்றடி நிலம் வேண்டும் என்று மகாபலியிடம் கேட்டார் மகாவிஷ்ணு.
மகாபலியோ, மகாவிஷ்ணுவின் சூழ்ச்சியை அறியாமல் வாமன உருவிலிருந்த மகாவிஷ்ணுவிற்கு மூன்று அடி நிலம் தருவதாக வாக்களித்தான். ஆனால், மகாவிஷ்ணுவோமுதல் அடியை மண்ணிலும்,
இஇரண்டாவது அடியை விண்ணிலும்
வைத்துவிட்டு மூன்றாவது அடியை எங்கே வைப்பது என்று மகாபலியிடம் கேட்கிறார். வாக்குத் தவறக்கூடாது என்பதில் உறுதியோடிருக்கும் மகாபலி,
மூன்றாவது அடியை தனது தலையில் வைக்குமாறு சொல்ல....... மகாவிஷ்ணுவும் அவனது தலையில் மூன்றாவது அடியை வைத்து அழுத்திக் கொன்றார்.
மகாபலி அரக்கன் அழிந்த நாளே தீபாவளித் திருநாள் என்று கருதுவாரும் உண்டு!
தீபாவளிக் கதை.....8
மகாவிஷ்ணு நான்காவது அவதாரமான நரசிம்ம அவதாரம் எடுத்து இஇரணியனை வதம் செய்து உலகத்தில் உண்மையை நிலை நாட்டிய நாளே தீபாவளியாகக் கொண்டாடப்படுகிறது என்று சொல்வாரும் உண்டு !
தீபாவளிக் கதை.....9
துர்கா தேவி மகிசாசுரனை வதம் செய்தழித்த நன்னாளே தீபாவளித் திருநாள் என்று சொல்வதும் உண்டு. சொல்லப்படுகிற அனைத்துக் கதைகளிலும் உள்ள ஒரே ஒற்றுமை விஷ்ணுவின் அவதாரம் இஇருப்பதுதான் !
தீபாவளிக் கதையுடன் ஒன்றை ஒப்பிட்டுப்பார்க்கவும் வேண்டும். நன்மையின் வெற்றி. தீமையின் அழிவு என்பதைத்தான் கிருஷ்ண பகவான் நரகாசுரன் கதை கூறுகிறது என்கின்றனர்.
தீபாவளிக்கு முன்னரே வரும்நவராத்திரியின்போதும், பின்னர் வரும் கந்த சஷ்டியின்போதும் இஇந்தக் கருத்துத்தான் வலியுறுத்தப்படுகிறது.இந்த இஇரண்டு விழாக்களிலும் அரக்கர்கள் அழிக்கப்படுகின்றனர். நன்மை வெற்றிகொள்கிறது, தீமை அழிகிறது. இந்தக் கருத்து பண்டைய இஇந்துக்களை ஈர்த்திருக்கவேண்டும்.
ஆகவேதான் ஒன்றன்பின்னர் ஒன்றாக வரும் பண்டிகைகளில் அதை வலியுறுத்தியுள்ளனர் போலும். மேற்குறிப்பிட்ட எந்த ஒரு காரணத்திற்காகவும் தீபாவளி கொண்டாடப்பட்டாலும் அதனை சமூக ரீதியாகப்பார்ததால் என்ன? மனிதன் மகிழ்ந்திருப்பது அவனின் இஇயல்பு. குடும்பத்துடனும் நண்பர்களுடனும் மற்ற இஇனத்தவருடனும், சமயத்தினருடனும் மகிழ்ச்சியாகக் கொண்டாடும் ஒரு நாள் தீபாவளி. . !
தீபாவளிக் கதை.....10
இத்தனை கதையிருக்க உவமைக் கவிஞர் சுரதாவோ தீபாவளிக்குச் சொல்லும் கவிதைவிளக்கமோ வேறுமாதிரி உள்ளது. ஐப்பசியில் தேய் நிலாவின் சதுர்த்தசியி லே எள் செடியின் மூலம் கிடைத்த எள்ளைக் கொண்டுதயாரித்த எள் நெய்...அதாவது நல்லெண்ணெய் கண்டு பிடிப்பை பள்ளிநாட்டையாண்ட பருபன் என்ற மன்னனுக்குச் சொன்னார்களாம்!
நல்லெண்ணெய் ''நேத்திரத்தின் ரோகத்தை நீக்கும்; மேக நீரிருந்தால், எலும்புருக்கி நோயி ருந்தால்மாத்திரை ஏன்? இஇந்த எண்ணெயைத் தேய்த்துக் கொண்டால் போதும், நோய்கள் அகலும்; புதுப் பொலிவுபெறலாம் என்றும் இந்த எண்ணெயில் பலகாரங்கள் செய்தும் சாப்பிடலாம்; அதன் சுவையோ தனி என்றும்சொல்ல அதையும் மன்னன் சோதித்து அவ்வளவும் உண்மையென்று அறிந்த மன்னன்,
அந்த மன்னவர்தலைவன் மகிழ்ந்து அதன் சிறப்பைக் குடி மக்கள் உணர தீபவதி நதிக்கரையில் மக்களுடன் மக்களாக நீராடி மகிழ்ந்தாராம். அந்த இனிய நாளை ஆண்டுதோறும் தலைக்கு நல்லெண்ணெய் தேய்த்துக் குளித்துஅதிலேயே பட்சணங்கள் செய்தும், அன்று புத்தாடை அணிந்தும் மகிழ்ச்சியாக இருங்கள் என்று அந்த பருபன்மன்னன் தன் குடிமக்களுக்கு உத்திரவிட்டானாம். அந்த நாள்தான் தீபாவளி என்கிறார் உவமைக் கவிஞர் சுரதா!
இத்தனை கதையில் எந்தக் கதை மெய்? எந்தக் கதை பொய்? எதை நம்புவது, எங்களைக் குழப்பிவிட்டீர்களேஎன்று என்னை யாரும் திட்ட வேண்டாம் ;-) இத்தனையிலும் மேலோங்கி நிற்பது நரகாசுரன் கதைதான்என்றாலும் வாரியார் சுவாமிகள் சொன்னதை நாம் கணக்கில் கொள்ளலாமே!?
அக்பர் காலத்தில்.....!
விநாயகர் சதுர்த்தி மற்றும் முஸ்லிம் பண்டிகைக் கால நேரங்களில் இஇன்றைக்கு தலைவர்கள் இஇந்து - முஸ்லிம் ஒற்றுமையை வலியுறுத்திப் பேசவேண்டிய கட்டாயத்துக்கு ஆளாக்கப்பட்டுள்ளனர்.
ஆனால் மாமன்னன் அக்பர் சக்கரவர்த்தி ஆண்ட காலத்தில் தீபாவளிப் பண்டிகையில் கலந்துகொண்டு கொண்டாடி மகிழ்ந்ததாக வரலாற்றுக் குறிப்புகள் வளமையோடு சொல்கிறது. தீபாவளித் திரு நாளில் கோவில்களில் தீபங்களை ஏற்றிவைக்க மான்யமாக பல லட்ச ரூபாய்களை பேருள்ளத்தோடு வழங்கியுள்ள செய்தியை அறிந்து மகிழ்கிறோம்.
உலகெங்கும்....!
உலகெங்கும் தீபாவளி போன்று தீபங்கள் ஏற்றி விளக்கு வரிசைகள் வைத்து, பட்டாசு வெடித்து கொண்டாடும் பண்டிகைகளும் உண்டு. சீனாவில் " நஹீம் - ஹீபர் " என்றும்
ஜப்பானில் " டோரா நாகாஷி " என்றும், பர்மாவில் அதாவது இன்றைய மியான்மரில் " தாங்கீஜீ " என்றும்,
ஸ்வீடனில் " லூசியா " என்ற விழாவும்,
இஇங்கிலாந்தில் " கைபாக்ஸ் " என்ற விழாவும் தீபாவளி போலவே கொண்டாடப்படும் பண்டிகைகளாகும்.
பட்டாசு வெடிச்சு.....!
தீபாவளி என்றால் பட்டாசு இஇல்லாத தீபாவளியா? காசைக் கரியாக்கும் விஷயம் என்றாலும் அந்தப் பட்டாசுகள் கருக்கப்பட்டால் தான் லட்சக்கணக்கான பட்டாசுத் தொழிலாளர்களின் இஇல்லங்களில் வெளிச்சம் எரியும் ..... அடுப்பு புகையும் என்கிற நிலையையும் இஇந்தத் தருணத்தில் எண்ணிப் பார்க்கத்தான் வேண்டும்.
தங்கள் வயிற்றுப் பாட்டிற்காக பள்ளி வாழ்க்கையைத் தொலைத்து பட்டாசுத் தொழிற்சாலைகளில் தங்களைப் புதைத்துக்கொள்ளும் பிஞ்சுக் கரங்களின் உழைப்பு அந்தப் பட்டாசுகளில் உறைந்து கிடக்கும் உண்மையை எத்தனை பேர்கள் அறிவார்கள்?
இஇந்தியாவின் குட்டி ஜப்பான் என்றழைக்கப்படும் சிவகாசி நகரில் மட்டும் சுமார் 360 கோடி ரூபாய் மதிப்புள்ள 50,000 டன்கள் எடையுள்ள பட்டாசுகள் தயாரிக்கப்படுகின்றன. இந்தியாவில் கேரள மாநிலம் எர்ணாகுளத்திலும், மத்தியப்பிரதேசமான குவாலியர், இஇந்தூரிலும் பட்டாசுத் தொழிற்சாலைகள் இஇயங்கி வருகின்றன. இஇந்தியாவில் நூறு 150 வகையான பட்டாசுகள் மட்டுமே தயாரிக்கப்படுகின்றன.
ஆனால் சீனாவில் ஆயிரத்திற்கும் மேற்பட்ட பாட்டாசு வகைகள் தயாரிக்கப்படுகின்றன.இத்தாலி, பிரான்சு, பெல்ஜியம், கனடா, நியூசிலாந்து போன்ற நாடுகளில் சிறுவர் சிறுமியர்க்கு பட்டாசு விற்பனை செய்யப்படுவதில்லை.
தீபாவளிப் பண்டிகையின் பிறப்பிடமான இஇந்தியாவில் செய்யாத சிறப்பை சிங்கப்பூர் செய்திருக்கிறது. ஆம் !தீபாவளிப் பண்டிகையைச் சிறப்பித்துத் தபால் தலை வெளியிட்ட நாடு சிங்கப்பூர் மட்டும்தான்.
அதுமட்டுமல்ல. ஒரு மாதத்திற்கு இஇங்குள்ள சிராங்கூன் ரோடு அதாவது குட்டி இஇந்தியா- ஒளி வெள்ளத்தில் மிதக்கும். தீபாவளி பற்றிய பல கதைகளை விவரித்து குட்டி இஇந்தியாவில் உள்ள கண்காட்சியில் தட்டிகளில் எழுதிவைப்பது வழக்கம். சிங்கப்பூரில் இஇந்திய வம்சாவளியினர் பல பாகங்கிளிலிருந்தும் வந்தவர்கள் வாழ்கின்றனர். ஆகவே எல்லாவிதக் கதைகளையும் அங்கு வைப்பது ஒரு மரபாக உள்ளது.
புத்தாண்டு, குடியரசு தினம் என சிறப்புமிக்க நாட்களில் வான வேடிக்கை மூலம் வானத்தில் வண்ண வண்ணக் கோலமிட்டும் கூடியிருப்போரையும் தொலைக்காட்சியில் பார்ப்போரையும் ஏற்பாட்டாளர்கள் பரவசப்படுத்துவதில்லையா? அதைப் போலத்தான் பட்டாசு வெடித்தும் மத்தாப்பு கொளுத்தியும் மக்கள் மகிழ்கின்றனர். ஆனால் அவை மற்றவர்களுக்குத் தொல்லை தரும் வகையில் அமையக் கூடாது. தீப விளக்குகளின் திருவிழாவாம்தீபாவளித் திருநாள்!உங்கள் உள்ளங்களில்அந்தத் தீபங்களின் ஒளிநிரம்பட்டும்!பூக்கும் அன்பால் உங்கள் நல்இதயம் நிரம்பி வழியட்டும்!
இந்த நன்னாளில் எல்லோரும் இன்புற்றிருக்கஎல்லாம் வல்ல இறைவனைப் பிரார்த்தித்து அமரிக்க தமிழ் வானொலியாம் மெரினா மூலம் வாழ்த்துவதில்மகிழ்வெய்துகிறேன்.ஆல்பர்ட், அமெரிக்கா.

சங்கமம் வாழ்த்துகிறது!************************************************************
இந்து வேத சாஸ்திரங்களில் மிகவும் பழமையானது ¡¢க் வேதம். துலாம் மாத கிருஷ்ண பண் சதுர்த்தசியின் பெருமையை இந்த வேதம் மிகச் சிறப்பாக எடுத்தியம்புகிறது. இப்பூவுலகில் உஷத் என்ற தேவதை சூ¡¢ய உதயத்திலிருந்து ஒன்றரை மணி நேரத்திற்கு முன்னர் உலா வருவதாகவும், இறைவனால் அனுப்பப்பட்ட இந்த தேவதை மனிதனின் நல்வாழ்விற்காக ஒவ்வொரு வீட்டின் முன்பும் நின்று செல்வதாகக் கூறப்பட்டுள்ளது. உஷத் தேவதையின் உலாவிற்கு முன்னர் இந்துப் பெண்கள் அதிகாலையில் துயில் எழுந்து தூய ஆடைகளை அணிந்து அலங்கார சகிதமாய் தனது வீட்டு முற்றத்தில் குளிர்ந்த நீரைத் தெளித்து கோலமிட்டு உஷத் தேவைதையை வரவேற்று மகிழ்ச்சிப்படுத்தினால் சகல செல்வங்களையும் அவள் அளிப்பாள் என நம்பப்படுகிறது. தீபாவளியன்று இன்னொரு ஆச்சர்யமும் நடக்குமென வேத சாஸ்திரம் கூறுகிறது. அன்று அதிகாலை சேமித்து வைக்கப்படும் தண்ணீர் கூட சற்று சூடாகவும் வெதுவெதுப்பாக இருப்பதாகவும் உஷத் தேவதையின் வருகையால்தான் அவ்வாறு உள்ளதாகவும் அந்த வெதுவெதுப்பான புனித நீ¡¢ல் ஸ்நானம் செய்வோர் கங்கை நதியில் ஸ்நானம் செய்வதற்கு ஒப்பான புண்ணியத்தைப் பெறுகிறார்கள் எனவும் நம்பப்படுகிறது. அன்று ஓசோன் மண்டலத்தின் அடர்த்தி கூட சற்று அதிகமாகவே இருப்பதாக விஞ்ஞான ரீதியான கருத்தினை விஞ்ஞானிகள் தொ¢விக்கின்றனர். (நிலாச்சாரல்)
<வெட்டு> தீபம் -விளக்கு, ஆவளி- வரிசைதீபத்தை வரிசையாக வைத்துச் சிவபெருமானை வழிபடுவதற்கு உரிய நாள் தீபாவளி என உணர்க. தீபமங்கள ஜோதியாக விளங்கும் சிவபெருமானை, நிரம்பவும் விளக்கேற்றி வணங்கினார்கள் நமது முன்னோர்கள்.திருக்கார்த்திகையில் விளக்கேற்றி வணங்குகின்றார்களன்றோ?விளக்கீடு காணாதே போதியோ பூம்பாவாய்என்பது ஞான சம்பந்தர் திருவாக்கு. "என்று குறிப்பிடுகிறார். ''எல்லாப் பண்டிகையுமே, நமக்கு சந்தோஷம் தரத்தான்! ஆனா இலக்கியம் சம்பந்தமா ஏதாவது நல்ல நிகழ்ச்சி நடந்தா அந்தச் சமயத்துல வர்ற பண்டிகை எனக்கு ரெட்டிப்பு சந்தோஷம் தரும் என்று சொல்லிச் சிரித்தார் அந்த காந்தியவாதி.
ஆனால், பல புனித பண்டிகைகளும் அவற்றின் உன்னத நோக்கங்களும் இன்று மக்களால் புறக்கணிக்கப்பட்டுவிட்டன. எண்ணை தேய்த்துக்கொள்வது, புத்தாடை அணிவது, விருந்துண்பது, வெடிகள் வெடிப்பது, புதுப்படங்கள் பார்ப்பது ஆகியவைதான் தீபாவளி பண்டிகையென வழக்கில் வந்துவிட்டது. அதன் புனித தன்மையை அனைவரும் மறந்துவிட்டனர்.
கருணையே உருவானவள் அன்னை கங்கை நதியாவாள். அவதாரப் புருஷரான ஸ்ரீ ஆதி சங்கரர் கங்கையைப் பற்றி கூறியுள்ளதை கவனிப்போம்.
''பிறவியில் ஒருமுறையேனும் கங்கையை இக்கண்களினால் காணாமல் செல்கின்றேனே என மனம் வருந்தி உயிர்நீக்கும் ஜீவனை கருணையுடன் உடனடியாக முக்தியளிக்கும் என் தாயான கங்கையை நமஸ்கரிக்கிறேன்''.
அத்தகைய கங்கை தீபாவளி திருநாளன்று அனைத்து நீரிலும் இருக்கிறாள் என நமது பண்டைய நூல்கள் அறுதியிட்டு கூறுகின்றனர். ஆதலால், தீபாவளியன்று கங்கையை பக்தியுடன் நினைத்து, நீராடி வீட்டிலுள்ள பெரியோர்களை வணங்கி, அவர்கள் ஆசியைப் பெற்று, மறைந்த பித்ருக்களை பூஜித்து, அதன்பின்பு பண்டிகையை கொண்டாடுவதே தீபாவளி அனுஷ்டிக்கும் உண்மையான முறையாகும். அதனால், குடும்பம் செழித்து வளரும்.
சாக்தஸ்ரீ டாக்டர் எஸ். ஜெயபாரதி (மயில் தீபாவளி சிறப்பு மலர் 1971)
இந்துக்கள் இவ்வுலகின் எப்பகுதியில் வாழ்ந்தாலும் எந்த இனத்தைச் சேர்ந்தவர்களாக இருந்தாலும் மிகச் சிறப்பாகக் கொண்டாடும் பண்டிகை தீபாவளி.
தீபாவளியை ஏன் கொண்டாடுகிறார்கள் என்பதற்கு ஒவ்வொரு இடத்திலும் ஒவ்வொரு காரணத்தைக் கூறுகிறார்கள். நரகாசுரனைச் சத்தியபாமா வதைத்த கதைதான் பெருமளவு கூறப்படும் காரணமாக விளங்குகிறது. இராமர் காட்டுக்குச் சென்று பதினான்கு ஆண்டுகள் கழித்து நாடு திரும்பிய நாளாகவும் வட நாட்டில் பல பகுதிகளில் கூறுவார்கள். திருமகளுக்குரிய பண்டிகையாகச் சில இடங்களில் தீபாவளியைக் கொண்டாடுவார்கள். சில இனமக்களுக்குப் புத்தாண்டின் தொடக்கமாகத் தீபாவளி விளங்குகின்றது.
தீபாவளி கொண்டாடப்படும் அடிப்படையான காரணத்தைப் பல ஆராய்ச்சியாளர்கள் ஆராய்ந்துள்ளனர். அந்த ஆராய்ச்சிகளின் விளைவாகச் சில கருத்துகளை வெளியிட்டிருக்கிறார்கள். அவற்றுள் ஒரு கருத்து கவனத்தைக் கவரக் கூடியதாக அமைந்துள்ளது. அதைப் பற்றிச் சற்று சிந்திப்போம்.
இந்தியாவில் ஒரு காலத்தில் மிகவும் அதிகமாகப் பரவியிருந்தது சமண சமயம். குறிப்பாகத் தமிழ் நாட்டில் 6-ஆம், 7-ஆம் நூற்றாண்டுகளில் மிகவும் செல்வாக்கோடு இருந்தது. அதனுடைய ஆதிக்கத்தை எப்படி அப்பரும், திருஞானசம்பந்தரும் உடைத்தார்கள் என்பது இந்து சமய வரலாற்றில் ஓர் ஏடாகும்.
சமண சமயம் 24 மகான்களால் வளர்க்கப்பட்டது. அவர்களைத் தீர்த்தங்கரர்கள் என்று அழைப்பர். அவர்களில் 24-ஆவது தீர்த்தங்கரர் வர்த்தமான மகாவீரர். இவர் ஓர் அரச குடும்மத்தில் வைசாலி என்னும் நாட்டில் கி.மு. 599-ல் பிறந்தார். புத்தருக்கு இவர் உறவினர். மகாவீரரின் பெருமுயற்சியால் சமணம் வேகமாகப் பரவியது. கி.மு. 327-ல் அலெக்ஸாந்தர் வடமேற்கு இந்தியாவக் கைப்பற்றி விட்டுத் திரும்பிச் செல்லும்போது தம்முடன் ஒரு சமணத் துறவியையும் மத்திய கிழக்கிற்கு அழைத்துச் சென்றார். அவ்வளவிற்குச் செல்வாக்குடன் சமணம் திகழ்ந்தது.
பிரபஞ்சஞானம், விஞ்ஞானம், வானநூல், பௌதீகம், கணிதம், சித்தாந்தம், புராணம், தத்துவ சாஸ்த்திரம் முதலிய பல துறைகளிலும் பேரறிஞராக மகாவீரர் விளங்கினார். அஹிம்சையை வலியுறுத்தி அதை இன்றளவும் இந்தியர்களிடையே வேரூன்றச் செய்த பெருமையில் பெருமளவு மகாவீரரையே சாரும். மகாத்மா காந்தியின் கொள்கைகளில் மகாவீரரின் கோட்பாடுகளின் சாயலைக் காணலாம். மகாத்மா கந்தியின் மூதாதையர் சமணர்களாக இருந்து இந்துக்களாக மாறியவர்கள். இந்து சமயத்தில் அன்று நிலவிய சடங்கு சம்பிரதாயங்களின் ஆதிக்கம், பிராமணர்களின் மேலாண்மை, ஊழல்கள் முதலியவைகளைக் கண்டித்தவர் மகாவீரர். கொலை, பொய், பேராசை, காமம், பொருள்களின் மேல் இச்சை முதலிய ஐந்து விஷயங்களை ஒதுக்குமாறு கூறினார். இந்தக் கோட்பாட்டிற்குத்தான் பஞ்சசீலம் என்று பெயர். இவற்றையெல்லாம் வென்றவர் என்றதால் அவரை ஜினர் என்று அழைத்தார்கள். அப்பெயரிலிருந்து தோன்றியதுதான் சமண சமயத்தைக் குறிக்கக் கூடிய ஜைனம் என்னும் சொல்.
மகாவீரர் தம்முடைய கடைசிக் காலத்தில் பீகாரில் உள்ள பாவாபுரி என்னும் நகரத்தில் தங்கி மக்களுக்கு அறிவுரை வழங்கி வந்தார். ஒரு நாள் இரவு முழுவதும் சொற்பொழிவு நடைபெற்றது. விடியும் சமயத்தில் அனைவரும் இருந்த இடத்திலேயே உறங்கி விட்டனர். மகாவீரர் தாம் வீற்றிருந்த ஆசனத்தில் இருந்தபடியே வீடுபேறடைந்தார். பொழுது விடிந்து எல்லோரும் விழித்தெழுந்து பார்த்த போது மகாவீரர் வீடுபேறடந்திருப்பதை அறிந்தனர். அவ்வூர் அரசன் மற்ற அரசர்களை வரவழைத்து அவர்களோடு ஆலோசனை செய்து உலகிற்கு ஞான ஒளியாகத் திகழ்ந்த மகாவீரரை மக்கள் நினைவு கூர்ந்து வழிபடும் பொருட்டு அவர் வீடுபேறெய்திய நாளில் வீடுதோறும் விளக்குகளை ஏற்றி வைத்து விழாக்கொண்டாடும்படி ஏற்பாடு செய்தான். தீபம் என்றால் விளக்கு. ஆவலி என்றால் வரிசை. ஆகவே இவ்விழா தீபாவளி என்ற பெயரைப் பெற்றது. மகாவீரர் வீடுபேறடைந்த விடியற்கலையிலே இது கொண்டாடப்பட்டது.
சமண சமயத்தின் வீழ்ச்சிக்குப் பின்னர் சமணர்கள் பெருவாரியாக இந்து மதத்தில் சேர்ந்தனர். இவ்வாறு அவர்கள் சேர்ந்தபோது அவர்கள் வணங்கிய தெய்வங்களில் சில, கொண்டாடிய விழாக்களில் சில, கடைப்பிடித்த கொட்பாடுகளில் சிலவற்றை இந்து சமயத்திற்குக் கொணர்ந்தனர். ஏற்கனவே இந்துக்களாயிருந்தவர்களும் இதனை அங்கீகரித்து ஏற்றுக்கொண்டனர். முடிவில் இந்துக்கள் அனைவரும் ஏகோபித்து ஒருமைப்பாட்டுடன் கடைப்பிடிக்கலாயினர். இந்தியாவிலும் பிற இடங்களிலும் நிலவி வந்த பல வழக்கங்களையும் வழிபாட்டுமுறைகளையும் இந்து சமயம் தனக்குள் சங்கமித்துக் கொள்வது வரலாற்றில் அடிக்கடி நடைபெற்று வந்ததொரு உண்மை. இது இந்து சமயத்தின் பெருமையையும் பெருந்தன்மையையும் காட்டும். இந்த விஷயத்தைப் பற்றி மேலும் அறிந்துகொள்ள விரும்புபவர்கள் ஆராய்ச்சியாளரும் பேரறிஞருமான மயிலை சீனி வேங்கடசாமி எழுதிய 'சமணமும் தமிழும்' மற்றும் 'பௌத்தமும் தமிழும்' என்னும் நூல்களைப் படிக்கலாம்.
இன்றளவும் சமணர்கள் தீபாவளியைக் கொண்டாடி வருகின்றனர் என்பது குறிப்பிடத்தக்கது. தீபாவளியினுடைய மூலம் எதுவாக இருந்தாலும் இப்போது எல்லா இந்துக்களின் பொதுப் பண்டிகையாக அது விளங்கி வருகிறது.
பஞ்சாங்கங்களில் தீபாவளியன்று காலையில் 'சந்திர தரிசனம்' என்றோ 'சந்திரோதயத்தின் போது கங்கா ஸ்நானம் செய்ய உத்தமம்' என்றோ காணப்படும். 'சந்திர தரிசனம்' என்றால் என்ன? ஐப்பசி மாதத்தில் தேய்ப்பிறை பதினான்காம் நாளாகிய சதுர்த்தசியன்று சூரிய உதயத்திற்கு சுமார் ஒன்றரை மணி நேரத்துக்கு முன்பாக பிறைச் சந்திரன் மெல்லியதொரு கீற்றாகத் தோன்றும். இது கிழக்கில் அடிவானத்தில் தெரியும். சூரியன் உதயமாகிவரும் நேரத்தில் சூரிய ஒளியில் அது மங்கிப்போய் கண்ணுக்குப் புலப்பட மாட்டாது. ஆனாலும் கூட சூரிய உதயத்திற்கு முன்பு கவனமாகத் தேடிப்பார்த்தால் சுமார் 20 நிமிடங்களுக்கு சந்திரனைக் காண முடியும். மேகமூட்டமோ, மூடுபனியோ இல்லாது இருக்கவேண்டும். இந்த நேரத்தில் பூமியில் உள்ள அனைத்து நீர் நிலைகளிலும் ஆகாச கங்கை ஆவிர்பவிக்கும். ஆகவே அந்த நேரத்தில் எண்ணெய் தேய்த்துக் குளிக்க வேண்டும். ஆகையால்தான் தீபாவளியன்று விடியுமுன் குளிப்பதை 'கங்காஸ்நானம்' என்று கூறுகிறார்கள். கங்காஸ்நானம் செய்த புண்ணியம் கிடைக்கும் என்று ஆன்றேர் கூறுவார்கள்.
அதிகாலையில் அவரவர் குடும்பத்துக்குரிய குலதெய்வத்திற்குப் பலகாரங்களால் ஆகிய படையல் பொட்டு தங்கள் தங்கள் வழக்கப்படி வழிபாடு செய்வார்கள். ஆனால் தீபாவளி படாடோபம் ஆடம்பரம் முதலியவைகளை காட்டும் ஒரு பண்டிகையாக ஆகி விட்டது.
தீபாவளியன்று மாமிச உணவை நீக்கவேண்டும். ஆனால் நடைமுறையில் அன்றுதான் மிக அதிகமாக மாமிச உணவு புழங்குகின்றது. மற்றவர்களுக்கு உண்பதற்குத் தந்து உபசரித்தாலும் கூடத் தங்கள் தங்கள் அளவில் கட்டுப்பாட்டோடு இருக்கலாமே.
மதுபானங்களைக் கண்டிப்பாக அருந்துதல் தவிர்க்கப்பட வேண்டும்.
மற்ற இனத்தவரை உபசரித்தல் இன்றியமையாதது. ஆனால் நம்வரையில் தீபாவளியின் புனிதத்தையும் காக்க வேண்டும் அல்லவா? ஆகவே மற்றவர்களுக்கு உரிய உபசரிப்புக்கும் மரியாதைக்கும் குறைவில்லாமல் அதே சமயத்தில் நம் பண்டிகையின் புனிதமும் கெட்டு விடாமல் நாம் நடக்கலாமே.
தீபாவளிக்காக நன்கு செலவு செய்கிறோம். அந்தச் செலவுகளோடு இன்னொரு செலவையும் சேர்த்துக் கொள்ளலாம்.
இந்துக்களில் பலர் ஏழ்மையில் இருக்கிறார்கள். சமூக நலனபிவிருத்தி இலாகாவிலிருந்து உதவித் தொகை பெறுபவர்கள் பலர் இருக்கிறார்கள். குடும்பத்தினரால் கைவிடப்பட்டவர்கள் பலர். இவர்கள் வீடுகளில் விளக்கெரியாது. பல தினுசான பலகாரங்களை இவர்கள் செய்து உண்ண முடியாது. இவர்களோ இவர்களின் குழந்தைகளோ புத்தாடை உடுத்த முடியாது.
ஆகவே தீபாவளிக்கு முன் ஏதாவது ஓர் ஏழைக் குடும்பத்திற்கு அல்லது தனி நபருக்காவது இயன்ற வரை உதவி செய்தல் இன்றியமையாதது. அக்குடும்பத்தின் குழந்தைகளுக்குப் புத்தாடை வழங்குங்கள். ஆனால் ஒன்று, அவர்களைப் பிச்சைக்காரர்கள் போல் நடத்தாமல் கௌரவம் கொடுத்து அன்பை வழங்குங்கள்.
இதைத்தான் நரகாசுரனோ அல்லது மகாவீரரோ மிகவும் விரும்பியிருப்பார்கள். நான்(டாக்டர் ஜெயபாரதி) இதைத்தான் செய்து வருகிறேன்.

திருவுக்குரிய திருநாள்
டாக்டர் சாக்தஸ்ரீ எஸ். ஜெயபாரதி (1972 மயில் தீபாவளி சிறப்பிதழ்)
சென்ற ஆண்டு மயில் தீபாவளி இதழில் தீபாவளியைப் பற்றி எழுதச் சொல்லியிருந்தார்கள். அப்போது எழுதிய கட்டுரையில் தீபாவளிக்கும் சமண சமயத்துக்கும் இடையே இருந்த தொடர்பைப் பற்றி எழுதியிருந்தேன்.
நரகாசுரனைச் சத்தியபாமா வதம் புரிந்ததைத் தீபாவளியாகக் கொண்டாடுவதாகத் தமிழர்கள் நம்புகிறார்கள். இதற்குரிய கதை 'காளிகா புராண'த்திலும் வேறு சில புராணங்களிலும் உபகதையாகக் காணப்படுகிறது. கிருஷ்ணன் சத்தியபாமா சம்பந்தப்பட்ட விழாவாக முழுக்க முழுக்க இருந்தால் இது வைணவ விழாவாகக் கருதப்பட்டிருக்கும். ராமநவமி, கோகுலாஷ்டமி, வைகுண்ட ஏகாதசி போன்ற திருநாள்களைக் கொண்டாடத் தயங்கும் தீவிர சைவர்கள் தீபாவளியையும் ஒதுக்கியிருப்பார்கள் அல்லவா?
நவராத்திரியைத் தவிர்த்து இந்தியர்கள் அனைவராலுமே மிகச் சிறப்பாகக் கொண்டாடப்படும் திருநாள் திபாவளிதான். வடநாட்டில் கோலாகலமாகக் கொண்டாடப்படும் ஹோலிபண்டிகையைத் தென்னாட்டில் கொண்டாடுவதில்லை. தமிழகத்தின் பொங்கல் கேரளத்தில் அவ்வளவாகக் கொண்டாடப்படுவதில்லை. கேரளத்தின் ஓணம் மற்ற இடங்களில் கிடையாது. ஆனால் தீபாவளியை இந்தியர்கள் அனைவருமே கொண்டடுகிறார்கள். ஆனால் ஒவ்வொர் இடத்தில் ஒவ்வொரு காரணத்தைக் கூறிக்கொள்கிறார்கள்.
மகாலட்சுமி பாற்கடலில் தோன்றியதை நினைவுறும் வண்ணம் இந்தியாவின் பெரும்பான்மையான பகுதிகளில் வசிப்பாவர்கள் கொண்டாடுகிறார்கள்.
ஒவ்வொரு மன்வந்தரத்திலும் ஒவ்வொரு இடத்தில் மஹாலட்சுமி அவதரிப்பாள். அடாடா, மன்வந்தரம் என்றால் என்ன என்று சொல்லாமல் விட்டு விட்டேனே! நாம் இருக்கும் கால கட்டத்தைக் கலியுகம் என்று அழைப்பார்கள். கலியுகம் 4 லட்சத்து 32 ஆயிரம்(432,000) ஆண்டுகளைக் கொண்டது. இதற்கு முன் கிருதம், திருதம், துவாபரம் என்று மூன்று யுகங்கள் இருந்தன. இவை நான்கினையும் சதுர்யுகம் என்று கூறுவார்கள். மொத்தம் 43 லட்சத்து 20 ஆயிரம் (4,320,000) ஆண்டுகள் இதில் இருக்கும். இந்தச் சதுர்யுகங்கள் மீண்டும் அடுத்தடுத்துத் தோன்றிக் கொண்டேயிருக்கும்.
இவ்வாறு 72 சதுர்யுகங்களைக் கொண்டது ஒரு மன்வந்தரம். 31 கோடி 10 லட்சத்து 40 ஆயிரம் (311,040,000) ஆண்டுகள் இருக்கும்.
இவ்வாறு 14 மன்வந்தரங்கள் தோன்றி மறைந்தால் அது ஒரு கல்ப காலமாகும். இது பிரம்மாவுக்கு ஒரு பகல். இதன் பின் ஒரு கல்ப காலத்துக்கு ஒரு மகா பிரளயகாலம் நிலவும். இது பிரம்மாவின் இரவு. இவ்வாறு நூறாண்டுகள் கொண்டதே பிரம்மாவின் ஆயுள். (கால்குலேட்டர் வத்திருக்கிறீர்களா? அப்படியானால் நீங்களே கணக்குப் போட்டுக்கொள்ளுங்கள்.) ( 870,912,000,000 என்று வருமோ! மா. அங்கையா )
நாம் தற்சமயம் வாழ்ந்து கொண்டிருக்கும் மன்வந்தரத்தை வைவஸ்வத மன்வந்தரம் என்றழைப்பார்கள். விவஸ்வான் என்னும் பெயர் கொணட சூரியதேவனின் மகனாகிய வைவஸ்வதன் என்னும் மனுவின் வழித்தோன்றல்கள் தான் இந்த மன்வந்தரத்தில் மனித இனமாக வாழ்ந்து கொண்டிருப்பவர்களாகிய நாம். ஆம். சூரியனிலிருந்து தோன்றியவர்கள்தாம் நாம். அப்படித்தானே விஞ்ஞான ஆராய்ச்சியும் கூடக் கூறுகிறது?
இதற்கு முன்னுள்ள மன்வந்தரங்களில் தாமரை, வில்வம், பூமி போன்ற இடங்களில் மகாலட்சுமி தொன்றினாள். இந்த மன்வந்தரத்தில் பாற்கடலில் தோன்றினாள்.
தூர்வாசர் என்னும் கோபக்கார முனிவரின் சாபத்தினால் தேவேந்திர னிடமிருந்து லட்சுமி நீங்கினாள். அதனால் அவனுடைய செல்வமும் மற்றவர்களின் செல்வமும் அறவே மறைந்தன. ஆகவே உலகெங்கும் சிறப்புக் குன்றியது. மீண்டும் லட்சுமியத் தோன்றச் செய்ய தேவர்கள் ஆலோசித்தனர். பாற்கடலில்தான் ஸ்ரீதேவி தோன்றுவாள் என்பதைக் கண்டறிந்த தேவர்கள் பாற்கடலைக் கடைந்தனர்.மந்திர மலை என்பதனை மத்தாகவும் வாசுகி என்னும் மகாநாகத்தைக் கயுறாகவும் வத்துக் கடைந்தனர். கனத்தால் மலை கடலில் அமுங்கியது. ஆமை வடிவெடுத்து மஹாவிஷ்ணு கீழிருந்து மலையை முத்டுகால் தாங்கி நிலைநிறுத்தினார். கடலிலிருந்து முதலில் தோன்றியது ஆலகால விஷம். அதனை சிவன் விழுங்கித் தொண்டையில் அடக்கி அழகாக திருநீலகண்டனாக விளங்கினார்.
அதன் பின்னர் ஜேஷ்டை என்னும் மூத்த தேவி தோன்றினாள். இவளுக்குப் பின்னால் ஸ்ரீதேவி எனப்படும் ஆதிலட்சுமி தோன்றினாள். அதன் பிறகு உச்சைசிரவஸ், அமிர்தம் போன்றவை தன்வந்திரியுடன் தோன்றின. ஆதிலட்சுமி விஷ்ணுவை அடைந்தாள். அவள் அஷ்டலட்சுமியாகவும் காட்சிதந்து பலவகையான செல்வங்களை உலகிற்கு வழங்கினாள்.
இதை முன்னிட்டு தீபத்தை ஏற்றி வைத்து லட்சுமியின் வருகையைக் கொண்டாடினார்கள்.
தீபாவளிக்கு முன்னால் உள்ள மூன்று நாள்களுக்குப் பாதாளலோகத்திலிருந்து பூமிக்கு வருகை புரியும் அரக்கர்களும் தீய சக்திகளும் மஹாபலி என்னும் அசுர அரசனின் தலைமையில் பூமியில் ஆதிக்கம் செலுத்த முனைவார்கள். அப்போது லட்சுமியின் மூத்த சகோதரியாகிய ஜேஷ்டாதேவியின் ஆதிக்கமும் தோன்றும். அவர்களை லட்சுமியின் துணையோடு தீபங்களின் உதவியால் இருளகற்றி வாணங்கள், பட்டாசு, வெடிகள் முதலியவைகளைக் கொளுத்தி அந்தத் தீயசக்திகளை வெரட்டி அடிப்பார்கள். அலட்சுமியாகிய மூத்த தேவியின் ஆதிக்கமும் அகன்று விடும்.
மஹாபலியை மீண்டும் பாதாள லோகத்திற்கு அனுப்பிய பின் மகிழ்ச்சியாக இருந்து கொண்டாடுவார்கள்.
சூரியன் உதயமாவதற்கு முன்னர் பிறைச் சந்திரன் தோன்றும் வேளையில் பூமியில் உள்ள நீர்நிலைகளில் கங்காதேவி ஆவாஹனம் ஆவாள். அதே சமயத்தில் நல்லெண்ணெயில் மஹாலட்சுமியின் அம்சங்கள் தோன்றும். ஆகையால் அந்த நேரத்தில் எண்ணெய் தேய்த்து கங்காஸ்னானம் செய்வார்கள்.
ஒரிஸா போன்ற இடங்களில் உள்ளவர்கள் வீட்டிற்கு வெளியில் சேர்த்து வத்திருக்கும் மாட்டுச் சாணக் குவியலை வணங்குவார்கள். வயலுக்கு எருவாகப் பயன்படுத்தும் மாட்டுச்சாண எருக்குவியல், சகதி போன்றவற்றில் லட்சுமி வாசம் செய்வதாக அக்கால மக்கள் நம்பினார்கள். இக்கருத்து வேதகாலத்திலேயே இருந்தது - லட்சுமியின் மானஸ புத்திரராகிய கர்தமர் என்னும் பிரஜாபதி சகதியில்தான் லட்சுமியின் நிழலில் தோன்றியதாகக் காணப்படுகிறது.
'கர்தமேன ப்ரஜாபூரா மயி சம்பவ கர்தம' என்ற ஸ்ரீசூக்தத்தின் வாசகத்தால் இதை அறியலாம். லட்சுமி உறையும் இடங்களில் தாமரையும் ஒன்று. லட்சுமிக்கேகூட 'கமலா', 'பத்மா' என்றெல்லாம் தாமரையைக் குறிக்கக் கூடிய பெயர்கள் உண்டு. தாமரையும் சகதியில் தானே தோன்றுகின்றது?
வண்டல், சேறு, சகதி, எருக்குவியல் போன்றவை விவசாயத்தின் ஆதாரமான விஷயங்கள். 'சோழநாடு சோறுடைத்து' என்று ஔவையார் பாடியதற்கு அடிப்படையாக அமைந்ததே காவிரியின் நீர்வளமும் அது கொண்டு வந்து சேர்க்கும் சகதியும்தானே?
ஸ்ரீசூக்தம் என்பது ஸ்ரீதேவிக்குரிய சிறந்த மந்திரநூல். அதர்வ வேதத்திலும் ரிக் வேதத்திலும் காணப்படுகிறது. 15 ஸ்லோகங்களைக் கொண்டது. ஆற்றல் மிகப் படைத்தது. அதன் பெயரைச் சொல்லியே பெரும் பணம் சம்பாதிப்பவர்கள் இருக்கின்றனர். அவ்வளவு ஆற்றல் படைத்தது!
தீபாவளியை விவசாயிகளைவிட வணிகர்களே மிகவும் செலவழித்து மிக மிக விமரிசையாகக் கொண்டாடினர். சமுதாயத்தில் அவர்களுக்கு இருந்த செல்வாக்கால்தான் தீபாவளிப் பண்டிகை இவ்வளவு பிரபலத்தை அடைந்துள்ளது.
மூதேவியின் தாக்கத்தைப் போக்கி ஸ்ரீதேவியின் செல்வாக்கைப் பெறுவதற்காக திருவின் திருநாளாகிய தீபாவளியின்போது நல்லதைச் சிந்தித்து நல்லதைச் செய்து திருவை வணங்கி வரவேற்போம்.

அமெரிக்கத் தீபாவளி...!




தலைப்பைக் கேட்டதும் அட... அமெரிக்காவில்கூட தீபாவளியா?
என்று நீங்கள் முணுமுணுப்பது என் காதில் சற்று உரக்கவே
விழுகிறது. இந்த அமெரிக்கத் தீபாவளிக்குப் பெயர்

"ஹாலோவீன்."

தீபாவளியைப் போலவே ஹாலோவீனுக்கும் வாழ்த்து
அட்டைகளிலிருந்து பூங்கொத்துகள், பரிசுக்கூடைகள்,
ஹாலோவீன் குக்கீஸ், டாய்ஸ்,கேண்டி எனப்படும் மிட்டாய்
தினுசுகள், ஸ்டிக்கர்கள், பேனா, பென்சில், ஆடியோ விடியோ
காசட்டுகள், வித விதமான முகமூடிகள்(மாஸ்க்குகள்) என
கடைகளில் அக்டோபர் மாத துவக்கத்திலேயே
படுசுறுசுறுப்பாக வியாபாரம் களைகட்டத் துவங்கிவிடுகிறது.

இது தவிர 24மணிநேரமும் இயங்கும் உலகளாவிய
வலையகக் கடைகளில் ஆன் லைன்ஷாப்பிங் வேறு
பிசியாக நடக்கிறது. இதெல்லாம் சரித்தான்... தீபாவளின்னா
நரகாசுரன் அரக்கன் அழிந்த நாளை மகிழ்ச்சியாக
கொண்டாடுகிறோம்.

ஹாலோவீனுக்கு அப்படி எதாவது ஒரு காரணம் இருக்கவேண்டுமே... என்பதுதானே உங்கள் கேள்வி? ஹாலோவீனுக்கு ஒரு நீண்ட நெடிய வரலாறு உண்டு. எல்லாவற்றையும் சொல்லவேண்டுமானால் ஒரு நீண்ட தொடராகத்தான் எழுத வேண்டும்.

சுருங்கச் சொல்லி உங்களுக்குப் புரிய வைக்க முயற்சிக்கிறேன். இறந்தவர்கள் சொர்க்கத்துக்கும் போகாமல் நரகத்துக்கும் போகாமல் ஆவியாக அலைந்து கொண்டிருப்பவர்களை மகிழ்விக்கும் நன்னாள் தான் " ஹாலோவீன் " நாள் என்பது. இப்படிப்பட்ட கெட்ட ஆவிகளை மகிழ்ச்சியடையச் செய்வதன் மூலம் தங்களுக்கு எந்த விதமான பாதிப்புகளும் நேராது என அமர்க்களமாக நம்புகிறார்கள் அமெரிக்கர்கள்.

ஹாலோவீன் பற்றிய மூலம் அறிய இஇக்கட்டுரையின் கீழ் ·ப்ளாஷ் பேக் போய் அறிந்துகொள்வோமே...!? ( அப்பாடா...அறுவைகளிலிருந்து தப்பித்தோம் என்கிறீர்களா? )








வினோத அலங்கரிப்புகள்... வீட்டுவீட்டுக்கு சோளக்காட்டு பொம்மை போல எதாவது ஒரு பொம்மை உருவம் இருக்கும். வீடு தவறமல் பூசனிக்காய் உள்ளங்கையில் வைக்குமளவு சிறிய அளவிலிருந்து ஒரு ஆள் கட்டிப் பிடிக்கமுடியாத அளவு ராட்சச பூசனி என இடம் பெற்றிருக்கும். பூசனியை முகம் போல வெட்டி இரவில் வண்ண விளக்குகள் ஒளிர வைத்திருப்பார்கள். பொங்கலுக்கு வீட்டு நுழைவாயிலில் இருபுறமும் தோகையுடன் கூடிய கரும்பு செழித்தெழுந்து நிற்குமே, அது போல காய்ந்த மக்காச் சோளத் தட்டைகளை குவியலாய் நிறுத்தி வைத்திருப்பார்கள். நிலைப்படியில் மரிக்கொழுந்து, மாவிலைத் தோரணம் கட்டி இருப்பதுபோல கலர்கலரான காய்ந்த மக்காச் சோளக் கதிர்கள், காய்ந்த பல்வேறு இலை கொத்துக்களை செருகி வைத்திருப்பார்கள். வீட்டு முகப்பில் சோ·பாவில் ஒரு எலும்புக்கூடு ஒய்யாரமாக அமர்ந்து கொண்டு புகை பிடித்துக்கொண்டிருக்கும.

வீட்டைச் சுற்றியுள்ள மரங்களில் மண்டை ஓடுகள், எலும்புகள் என்று தொங்கிக்கொண்டிருக்கும். இதெல்லாம் எதற்கு? எல்லாம் நம் இனத்தவர்கள் தான் என்று பேய் பிசாசுகள் விசிட் அடிக்கும் போது தெரிந்து கொள்ளத்தான்?! இரவு நேரங்களில் இதை அறியாத பயந்த சுபாவம் உள்ளவர்கள் போனால் இருதயம் திடீர் பிரேக் போட்டுவிடும். இதுபோன்று வினோதமான அலங்கரிப்புகளில் அமெரிக்கஇல்லங்கள் காட்சி தரும்.









தெருக்கூத்து...
முகங்களில் கருப்புச் சாயம், கண்களைச் சுற்றிக் கலர்கலராக புள்ளி வைத்து, உதட்டுச் சாயம் பூசி, தலைக்கு விக் வைத்துக் கொண்டு ஆண்களும் பெண்களும் பேய்களாக, பிசாசுகளாக, ஆவிகளாக, சூனியக்கார-காரிகளாக மந்திரக்கோல் போன்று வைத்துக்கொண்டு போக்குவரத்து மிகுந்த இடங்களில், பெரிய பெரிய மால்களில்( பெரிய ஷாப்பிங் காம்ப்ளக்ஸ்கள்தான்) பொது மைதானங்களில் திடீர்... திடீர் என்று தோன்றி திகில் ஏற்படுத்துவார்கள். இதெல்லாம் ஒரு ஜாலி..ஜாலியான நிகழ்வுகளாகத்தான் அங்கங்கே நிகழும். மின்னல் வேகத்தில் வந்து அந்தப் பகுதியில் ஒரு கலகலப்பை ஏற்படுத்திவிட்டு வந்த சுவடு தெரியாமல் போயும் விடுவார்கள்.
பேய் மாளிகைகள்...

அமெரிக்காவில் "ஹாலோவீன்" அருங்காட்சியகங்கள் அமைந்துள்ளன. இந்த ஹாலோவீன் அருங்காட்சியகங்களின் விசேஷம் என்னவென்றால் பேய்,பிசாசுகள், ஆவிகளின் கூட்டுக் குடும்பங்கள் வசிப்பகமாகத் திகழுகிறதுதான். காதில் பூச் சுற்றுகிறார் போல் தெரிகிறதா?
வாருங்கள்... ஒரு ஹாலோவீன் அருங்காட்சியகத்துக்குள் நுழைந்து வருவோமே. பெரிய பெரிய இராட்சச சிலந்திவலைகள் பேய்மாளிகை முகப்பில் நமக்கு வரவேற்புரைக்க, புன்னகைப் பூக்கள் பூத்திருக்கும் பம்ப்கின்களின் (பூசணி) அணிவகுப்பை பார்த்துக்கொண்டே உள்ளே நுழைய முற்பட்டால் ஒரு எலும்புக்கூடு தடுத்து நிறுத்துகிறது. லேசான நடுக்கம் நம் உடம்பில் பரவிப்போக திரும்பிவிடலாமா என்ற நம் யோசிப்பு அதற்குத் தெரிந்துபோக "பே மீ சிக்ஸ்" டாலர் என்கிறது. அப்போதுதான் நுழைவுக்கட்டணம் செலுத்தவேண்டும்என்பது நினைவுக்கு வர கிரடிட் கார்டை நம்மிடம் இருந்து பறிக்காத குறையாக வாங்கி ஆறுடாலரை வரவு செய்துகொண்டு ஏர் இந்தியாமகாராஜாபோல பவ்யமாக குனிந்து உள்ளே போக அனுமதித்தது.


கும்மிருட்டாக இருந்த அந்த பேய் மாளிகையில் திடீரென்று பேய்களின் அலறல், அங்கங்கே எரியும் நெருப்புத்துண்டங்கள் போன்ற கண்கள் மட்டும் இங்கும் அங்குமாக நடமாடுவது தெரிந்தது. பளீர் பளீர் என்று மின்னல் மின்ன கோடையிடியாக இடி இடிக்க அந்த மின்னல் வெளிச்சத்தில் கோரமான உருவங்கள் அது ஆவியோ பேயோ அதது சாப்பிட்டுக்கொண்டும், குடித்துக் கொண்டும், நடனமாடிக் கொண்டும், மாடிப் படிகளில் இஇரண்டு "கோஷ்ட்டுகள்" கோஷ்ட்டி கானமாக ஒருவித சேஷ்டைகளில் ஈடுபட்டிருந்தது. அடுப்பங்கரைப் பக்கமிருந்து வரும் புகை மண்டலமா?
ஆவி மண்டலப் புகையா? என்பது தெரியாமல் வீடு முழுக்கப் பரவி இருந்ததை அறிய முடிந்தது.

மாடிமேல் மாடி வைத்துக் கட்டப்பட்டிருந்த அந்த மாடியறை
ஒன்றில் அந்த மாளிகை யாருக்குச் சொந்தமானது? எந்த
வருடத்திலிருந்து பராமரிக்கப்படுகிறது? இதுபோன்ற தகவல்கள் பட்டியலிடப்பட்டிருந்தது.


உண்மையில் அந்த வீடு யாருக்குச் சொந்தமோ அந்தப்
பேயையும்... ஸாரி... பேய் உடையிலிருந்த அஜானுபாகுவான மனிதரை சந்தித்தபோது அவர் சொன்னார் :- அவருடைய அப்பா காலத்திலிருந்து ஹாலோவீன் தினத்துக்காக வீட்டை அலங்கரித்து அக்டோபர் கடைசி வாரத்தில் பொதுமக்களை சந்தோஷிக்கச் செய்வது வழக்கம்.

கடந்த பல வருடங்களாக இந்த வீட்டை "கோஷ்ட்"டுகளுக்கான இஇருப்பிடமாக்கி, நாள்தோறும் பொதுமக்களுக்காக குறிப்பிட்ட நேரத்தில் வருடம் முழுக்க திறந்து வைக்கிறோம். பொதுமக்கள் தரும் கட்டணத்தை வைத்து இதை மெயின்டெய்ன் செய்கிறேன்.

அக்டோபர் மாதத்தில் மட்டுமே இது போன்று மக்கள்பார்வையிடுவதற்காக முழு வீட்டையும் ஹாலோவீனுக்காக தயார் செய்வார்கள். ஆனால் அலபமா,ஜியார்ஜியா, அயோவா, மிசிசிப்பி, நெபராஸ்கா, ஒஹையோ, ரோடிஐலண்ட், டெக்சாஸ், கலி·போர்னியா, இஇல்லிநாய்ஸ், லூசியானா, மாண்டனா, வடக்கு கரோலினா, பென்சில்வேனியா,டென்னஸ்ஸி, வாஷிங்டன் ஆகிய 16 மாநிலங்களில் தனி நபர்களால் நிர்வகிக்கப்படும் "ஹாலோவீன் காட்சியகங்கள்" வருடம் முழுக்க இஇயங்குவதாக தெரிவித்தார்.

யாரோ நமது பின் மண்டையில் பட்டென்று அடிக்க 'ஷாக்' ஆகி திரும்பிப் பார்த்தால் திருவாளர் வவ்வால்தான் பறந்து போகும்போது அப்படிச் செய்துவிட்டுப் போயிருக்கிறார் என்று தெரிந்தது. இடத்தைக் காலி செய்ய இதுவே தருணம் என்று ஆவியிடம் ...ஸாரி...அவரிடம் தாங்க்ஸ் சொல்லி விட்டு அங்கிருந்து நழுவினோம்.

எங்கும் கோலாகலம்...


ஆவிகளுக்குப் பிடித்த இருட்டுப் பொழுதுகளில் அங்கிங்கெனாதபடி எங்கும் ஆனந்தப் பெருவெள்ளத்தில் மக்கள் ஆழ்ந்துபோகிறார்கள். வாழ்க்கை வாழ்ந்துபடுவதற்கே என்கிற சித்தாந்தத்துக்கு உதாரணமானவர்கள். ஹாலோவீன் தினத்தை பிரதிபலிக்கிற விதவிதமான வண்ண உடைகளில் இஇரவுவிடுதிகளை நிறைத்துக் கொண்டு ஆட்டமும் பாட்டமும், கேளிக்கைகளில் தங்களைத் தற்காலிகமாக மறந்து உல்லாசிக்கிறார்கள்.


இராஜராஜாக்கள், கோமாளிகள் என்ற முகமூடிகளில் அவர்களின் முகவரிகள் மறைந்திருக்கலாம். அகமும் முகமும் ஒருசேரச் சிந்துகிற மகிழ்ச்சிப்பூக்களை எல்லோரிடமும் சிதறவிட மறப்பதில்லை. உற்சாக பானம் அருந்திவிட்டு உளறும் நிலைக்கு யாரும் போய்விடுவதில்லை. உற்சாகமாக இஇருப்பதற்காக மட்டுமே இஇதை அருந்துகிறார்கள். நியுமெக்சிக்கோ மற்றும் சில பகுதிகளில் வாழும் அமெரிக்க இஇண்டியன்கள்(சிவப்பு இந்திய காட்டுவாசிகள்) மட்டுமே போதை தலைக்கேற உருள்வது பிறழ்வது எல்லாம். இஇந்த நாளில் அநேகர் "டேட்டிங்" வைத்துக்கொண்டு கவலையின்றி ஆவிகளோடு ஆவிகளாக ஐக்கியமாவது உட்பட கோலாகலமாக கழிக்கின்றனர்.
பள்ளிகளில்...
மழலையர் பள்ளியிலிருந்து கல்லூரிவரை "ஹாலோவீன்" கொண்டாட்டத்துக்கு குறைவிருக்காது. அதிலும் சின்னஞ் சிறு பிஞ்சுகள் தங்களுக்குப் பிடித்த மிக்கிமவுஸ், எல்மோ, பிக்பேர்டு, லேடி பக், பேட்(வவ்வால்), முயல், கிளி·ப்பர்டு, எமன்வாகனம்போல கொம்புக்காளைமாடு இஇப்படி எத்தனையோ முகமூடிகளில் வித்தியாசமான காஸ்ட்யூம்களில் ஜொலிப்பதைக் காணக் கண் கோடி வேண்டும். அன்று அந்தந்த வகுப்பு ஆசிரிய அசிரியைகள் கூட கோமாளி போல சூனியக்காரி போல வந்து குழந்தைகளை "TRICK OR TREAT BAGS" கொடுத்து மகிழ்விப்பது குறிப்பிடத் தக்கது.


பள்ளி அரங்கில் ஒருநாள் எல்லா வகுப்பு மாணவ மாணவிகளும் இஇணைந்து பங்கேற்கும் "ஹாலோவீன்" நிகழ்வில் குழந்தைகளின் பெற்றோர்களும் வந்து கலந்து உற்சாகப்படுத்துவார்கள்.
ஐரிஷ் குழந்தைகள் உருளைக்கிழங்கையோ டர்னிப் காயையோ அகல்விளக்கு போன்று செய்து அதில் திரியிட்டு விளக்கு போன்று எரியவிடுவார்கள். சொர்க்கமும் நரகமும் நிராகரித்த ஒரு ரெண்டுங்கெட்டான்" ஜோக்" என்று ஒரு கதையுண்டு. அந்த ஜோக் வேதாளத்திற்கு மிகப் பிடித்தமானது இந்த உருளை..டர்னிப் விளக்கு என்பதால் இஇப்படிச் செய்வதாகச் சொல்வார்கள்.

அக்.31ம் தேதி சிறு குழந்தைகள் கையில் ஒரு கூடையோ பையோ எடுத்துக்கொண்டு வீடுவீடாகக் கிளம்பிவிடுவார்கள். வீட்டிலிருப்போர் குழந்தைகளுக்கு வாழ்த்துச் சொல்லி விதவிதமான கேண்டிகளை (இஇனிப்பு மிட்டாய்களை) வழங்குவார்கள். குழந்தைகள் மீண்டும் வீடுதிரும்பும்போது உற்சாகத்தின் உச்சாணிக்கொம்பில் இருப்பார்கள். பின்னே மாதக் கணக்கில் கேண்டிகளே வாங்கத் தேவையில்லாதபடி பைகளை நிரப்பிக்கொண்டல்லவா வந்திருப்பார்கள்!

(நியூயார்க நகரில் பல வீடுகளில் குழந்தைகளின் கையில் ஒரு பிளாஸ்டிக் கூடையை எடுத்துக் கொடுக்கவோ, ஆசையாக வாங்கிவந்த ஹாலோவீன் உடைகளையோ முகமூடிகளையோ போட்டு அழகு பார்க்க அந்தக் குழந்தையின் அம்மாவோ, அப்பாவோ அல்லது இஇருவருமே இல்லாத சூழல் ஏற்பட்டுப் போனதை எண்ணும்போது அந்தப் பிஞ்சுகளின் குதூகலம் குறைந்துபோகாமலிருக்க வேண்டுமே என்ற கவலை நம்முள் கலவரமாக எழுகிறது. )


கல்லூரிகளில், பல்கலைக்கழகங்களில் கூட வினோத உடைகளில், விசேஷ நடனங்கள், ஷாம்பெய்ன் களியாட்டங்கள் என்று அசத்திவிடுவார்கள். கல்லூரிக் காதல் பறவைகளுக்கு அன்று தரையில் கால்பாவாது. ஜோடி ஜோடியாக ஆடிக்கொண்டு இருப்பவர்கள் காஸ்ட்யூம்களில் அசத்துவார்கள். காரணம், கவர்ச்சிகரமாக காஸ்ட்யூம் அணிந்து எல்லோரின் கவனத்தையும் ஈர்க்கும் ஜோடிகளுக்குப் பரிசு உண்டே! இப்படி நடனமாடும் ஜோடிகளுக்கிடையே ஒருசிலர் 'சில்மிஷ' ங்களில் இறங்கிவிடுவதும் உண்டு. முகமூடியணிந்து நடனமாடிக் கொண்டிருக்கும் ஜோடி ஒன்றை நைசாகப் பிரித்து ஆணைத் தள்ளிக் கொண்டு போய் விடுவார்கள். சிறிது நேரத்தில் மீண்டும் அங்கே வருபவரைச் சேர்த்துக் கொண்டு பெண் நடனமாடுவார்.

உச்சக்கட்டமாக இறுகத் தழுவி முத்திரை முத்தமும் கொடுத்து விடுவார். கொடுத்த ஜோரில் முகக் கவசத்தை கழற்றுவார். அப்போதுதான் தெரியும் இடையில் இணைந்தவர் தனது பார்ட்னர் இல்லையென்று. உடனே கண்ணைக் கசக்கிக்கொண்டு கண்ணகி வேஷம் எல்லாம் போடமாட்டார்கள். இதெல்லாம் ஒரு கலகலப்பான நாளில் த்ரில் அனுபவங்கள் அவ்வளவுதான். சில நேரங்களில் சில இடங்களில் வேலி தாண்டுகிற வெள்ளாடுகள் இருக்கலாம், அது வேறு விஷயம்;



இது தவிர அலுவலகங்களில் வேலை பார்ப்பவர்கள் ஹாலோவீன் பார்ட்டி என்று ஏற்பாடு செய்து ஆண்பெண் பேதமின்றி மதுக்கிண்ணங்களை விரும்பிய கலவையில் எடுத்துக்கொண்டு வேடிக்கை விளையாட்டுகள்,
சிலர் சூதாட்டங்களிலும் நள்ளிரவுக்கு மேலும் நீடிக்கும் பார்ட்டிகளில் சந்தோஷித்துக் கிடப்பார்கள். கணவரில்லாத குழந்தைகள் உள்ள அலுவலகப்பெண்கள் 20சதம் இருப்பார்கள். இவர்களோடுஇரவைக் கழிக்க
ஒரு கூட்டம் அலைமோதும். லாட்டரிச்சீட்டில் லட்சம் விழுந்தால் அது கிடைத்தவருக்கே அதிர்ஷ்டம் என்பது போல அதிர்ஷ்டசாலிகள் 'ஹாலோவீன் நைட்' டுக்கு நழுவி விடுவார்கள்.


ஹாலோவீன் சினிமா...

ஹாலோவீன் என்ற பெயரில் ஆறு திரைப்படங்கள் அமெரிக்காவிலிருந்து வெளிவந்துள்ளது. இதில் திரைப்பட இயக்குனர் ஜான் கார்ப்பெண்டர் எடுத்த "ஹாலோவீன்" திரைப்படம் மிகப் பிரபலம்.

ஹாலிவுட் ஹாலோவீன் விழா...

ஹாலிவுட் ராலே ஸ்டூடியோவில் அக்டோபர் 27,28 தேதிகளில் நடைபெறவுள்ள திரைப்படத் திருவிழாவில் ஹாலோவீன் பற்றிய சிறந்த படத் தயாரிப்பாளர் நடிகர், நடிகை போன்ற ஏழு சிறந்த தேர்வுகளுக்கு பரிசுகள் அறிவிக்கப்படவுள்ளது. போட்டியில் கலந்துகொள்ள விரும்புபவர்கள் இதற்குரிய படங்களை லாஸ்ஏஞ்சலஸ் திகில் திரைப்பட விழாவின் ஸ்க்ரீம்பெஸ்ட்டில் அக்.20ம் தேதிக்குள் அளிக்க வேண்டும் என்று தெரிவிக்கப்பட்டுள்ளது.


விழாவிற்கு வரும் பார்வையாளர்கள் ஹாலோவீன் முகமூடி உடை அணிந்து வந்தால் டிக்கெட் கட்டணத்தில் தள்ளுபடி தரப்படும் என்றும் இதில் கிடைக்கின்ற லாபத்தின் ஒரு பகுதி செப்.11ல் பாதிக்கப்பட்டவர்களின் குடும்பத்திற்கும் செஞ்சிலுவைச் சங்கத்திற்கும் அளிக்கப்படவுள்ளதாகத் தெரிவித்துள்ளனர்.


பிரமாண்டப் பேரணி...


" மாட்டோம்...மாட்டோம் எங்கள் உரிமைகளை விட்டுக் கொடுக்க மாட்டோம்," " போராடுவோம், போராடுவோம் வெற்றிகிட்டும் வரை போராடுவோம் " என்கிற பேரணிகளைப் பற்றி கேள்விப் பட்டிருந்த நமக்கு அமெரிக்காவிலே ஜாலியாக, எல்லோரும் இஇன்புறுவதற்காகவே ஒரு பிரமாண்டப் பேரணி நியூயார்க் நகரில் 32 வருடங்களாக நடந்து வந்திருப்பதை அறிந்து ஆச்சரியப் பட்டுப்போனோம்.


கட்சி ஊர்வலத்துக்கு ஆள் இல்லையா காசைக் கொடுத்தாவது கூட்டத்தை சேர்த்துவிடும் திறமை மிக்க நம் பூமியில், ஊர்வலத்தில் போக காசைக் கொடுத்துவிட்டு கலந்து கொள்கிற பேரணியைக் கண்டு ஆச்சரியப்படாமல் என்ன செய்வது? அக்டோபர் 31ம் தேதி நியூயார்க் நகரில் நடைபெறும் ஹாலோவீன் பேரணிதான் அது.


1973ல் நியூயார்க் க்ரீன்விச் வில்லேஜ்-ல் கிராமீய பொம்மலாட்டக்காரரும் முகமூடி தயாரிப்பாளருமான ரால்ப் லீ( Ralph Lee ) என்பவர் அந்தப் பகுதியைச் சேர்ந்தவர்களோடு முகமூடியணிந்து வீடுவீடாகப் போய் ஹாலோவீன் வாழ்த்துச் சொல்லி வலம் வந்தார்.

இந்த வித்தியாசமான அணுகுமுறையைக் கண்ட நியூயார்க் சிட்டி தியேட்டர் நிர்வாகம், லீயை நியூயார்க் நகரில் முக்கிய தெருக்களில் பேரணியாக நடத்தக் கேட்டுக் கொண்டது. பேரணி குறித்து பெரிய அளவில் தியேட்டர் நிர்வாகம் விளம்பரம் செய்தது. பல்லாயிரக் கணக்கில் பங்கேற்ற பிரம்மாண்டப் பேரணியாக லீ நடத்திக் காட்டினார். அடுத்தடுத்த ஆண்டுகளில் கவர்ச்சிகரமாக வினோத உடைகளில், லீ யின் விதவிதமான மாஸ்க்குகளை அணிந்து பங்கேற்பாளர்கள் பேரணியில் கலந்து கொள்ளத் துவங்கினர். 9வது ஆண்டில் அமெரிக்கா முழுவதிலுமிருந்து ஆர்வத்தோடு பேரணியில் கலந்து கொண்டாஆர்வலர்கள் எண்ணிக்கை சில லட்சங்களைத் தாண்டியது.
நியூயார்க் சிட்டி தியேட்டர் நிர்வாக இயக்குனரான ஜென்னி ·ப்லமிங் என்ற பெண்மணி இந்தப் பேரணிக்குப் பொறுப்பேற்று வருடாவருடம் 20,000 விசேஷ காஸ்ட்யூம்களில் 1.5மில்லியன் அமெரிக்கர்கள் கலந்து கொள்ளும் பேரணியாக உருவெடுக்கக் காரணமாகவுள்ளார். துவக்கத்தில் அஞ்சலட்டை அளவிலான செய்தியை நியூயார்க் டைம்ஸ் பத்திரிக்கை மட்டுமே செய்தி வெளியிட்டது. தற்போ இஇந்தப் பேரணியை வர்ணிக்காத தகவல் தொடர்புச் சாதனமே இஇல்லை என்ற அளவிற்கு ஆகிவிட்டது. 1993ல் நியூயார்க் நகர மேயர் டேவிட் எம் டின்கின்ஸ், வயது, இஇனம்,மொழிகளுக்கு அப்பாற்பட்டு நடைபெறும் இஇந்தப் பேரணியைக் கண்டு மகிழ்ந்து," நகரையே மகிழ்ச்சிக்கடலில் ஆழ்த்தும் இந் நிகழ்வினை வருடம் தோறும் அக்டோபர் நான்காம் வாரத்தில் ( 24-31) " ஹாலோவீக் என நியூயார்க் நகரம் கொண்டாடும் என அதிகாரப்பூர்வமாக அறிவித்தார்.
1000 க்கும் மேற்பட்ட தன்னார்வத் தொண்டர்களால் மிகப் பிரம்மாண்டமான இராட்சச பொம்மைகளைக் கொண்டு "நடமாடும் பொம்மலாட்ட" நிகழ்வினை இந்தப் பேரணியில் நடத்துகின்றனர். ஆப்ரிக்கன், பிரேசிலியன், டிக்ஸிலேண்ட், ஐரிஷ், ஜீவிஷ், இத்தாலியர், கரீபியன், சைனீஸ், மற்றும் ஜப்பானியர்களின் வெவ்வேறு 38 விதமான சங்கீதங்கள் இஇசைக்கப்படும். கடந்த ஆண்டு மட்டும் பேரணி நடக்கும் நாளில் கண்டுகளிக்க வந்த அமெரிக்கா மற்றும் உலகின் பல பாகங்களிலிருந்து வந்த சுற்றுலாப் பயணிகளால் கிடைத்த வருமானம் மட்டும் 60 மில்லியன் டாலர்கள் என்றால் பார்த்துக்கொள்ளுங்களேன்!


அமெரிக்காவின் கலை மற்றும் பண்பாட்டு நகராண்மைக் கழகத்தின் "ஓபிவிருது" (Obie Award) நியூயார்க் சிட்டி தியேட்டருக்குக் கிடைத்துள்ளது. இஇதற்கு முக்கியக் காரணம் நெரிசல் மிகுந்த நகரத்தில் பேரணியில் கலந்துகொள்ளவும் பேரணியை கண்டுகளிக்கவும் பல லட்சக்கணக்கான மக்கள்கூடியும் மற்ற காலங்களை விட இஇந்த நாளில் கிரிமினல் குற்றங்கள் குறைந்ததும்தான் என அறிவித்தது.

டைட்டானிக் கப்பல் பயணியின் ஆவி...

அக்டோபர் 30ம்தேதி மதியம் 12.30 மணிக்கு தனியார் பேருந்து நிறுவனங்கள் நபருக்கு எட்டுடாலர் வாங்கிக் கொண்டுபிரபலமானவர்கள் அடக்கம் செய்யப்பட கல்லறைகளுக்கு அழைத்துச் செல்வார்கள். இஇதில் ஒரு கல்லறை "டைடானிக் கப்பல்" பயணியான 'இசிடார் ஸ்டாரஸ்' அடக்கம் செய்யப்பட்ட இடம்.
கல்லறைகள் இருக்குமிடங்களில் வினோத உடைகளில் எலும்புக்கூடுகளாக, ஆவிகளாக, பேய்களாக உயிரோடு இருக்கும்போதே இஇறந்தவர்களைப் போல நடமாடுவதும், வினோத ஒலி எழுப்புவதும், கும்மாளமிடுவதும், மதுவும், மாதுவுமாக ஒரே ஆர்ப்பரிப்புதான் போங்கள்!..... எல்லாம் குளிர் நடுக்கியெடுக்கும் நள்ளிரவில்....!?

அவசியம் ஹாலோவீன் .....ஏன்?

கடைகளில் " WHO DIED?" என்று பொறிக்கப்பட்டுள்ள டி-சர்ட்டுகள் செப்.11. சம்பவத்தை நினைவுகூறும் வகையில் விற்பனைக்கு வந்துள்ளது. இதனால் ஹாலோவீன் தினம் கொண்டாடுவதை தவிர்க்கவேண்டுமா? நமது வீட்டு முகப்பில் கல்லறைகளையும் மரங்களில் பேய்கள்...ஆவிகள் தொங்குவதைப் போல அலங்கரிக்க வேண்டியதில்லையா? ஆனால் ஒரே ஒரு வேண்டுகோள்! தீவிரவாதிகள் போலவும், விமானம் கட்டிடத்தை தாக்குவது போலவும் தயவுசெய்து அலங்கரிக்காதீர்கள்! மேலும் கல்லறை அலங்கரிப்பில் இந்தக் கோரத் தாக்குதலில் உயிரிழந்த யாருடைய பெயரையும் எழுதியோ வைக்காதீர்கள்!

இறந்தவர்கள் பூமிக்கு நடந்து வரும் தினம் இது என்பது சிலரது நம்பிக்கை ! அதனால்தான் சிறுவர்சிறுமியர் வாலிபர், பெரியவர் என்ற பேதமின்றி பேய்களைப் போல ஆவிகளைப்போல உடையணிந்து வலம் வருவதை வழக்கமாகக் கொண்டுள்ளோம். Trick- or- Treat செய்து ஆவிகளைப் பரிசுகளால் மகிழ்விக்கச் செய்வதை தொடர்வோம்.

யாருடைய நம்பிக்கை எப்படியிருந்தாலும் ஹாலோவீன் இரவு என்பது இறந்துபோன நம்மவர்களுக்காக நாம் செய்யும் மரியாதை! அவர்களைக் கெளரவப்படுத்தும் அந்த நிகழ்வை நாம் கொண்டாடாமல் வேறுயார் கொண்டாடுவது? அது மட்டுமா, அநேகமாக முதல் தடவையாக தங்கள் குழந்தைகள் முகமூடி அணிந்து "Trick-or-Treat" போகும்போது பெற்றோர்களுக்கு புதிய பல அறிமுகங்கள் கிடைக்கும்.

கடைகளில் ஹாலோவீன் அடையாள வில்லைகள், பூசணிக்காய் முகங்கள், விதவிதமான ஹாலோவீன் உடைகள், வகைவகையான ஹாலோவீன் கேண்டிகள், கல்லறைத் தூண்கள், ரத்தம் சொட்டச் சொட்ட உடம்பின் பாகங்கள், வினோத ஒலியெழுப்பும் ஒலி, ஒளி நாடாக்கள், மக்களை திகில் கொள்ளச் செய்யும் ஆயிரக்கணக்கான அலங்கரிப்புப் பொருட்கள் என்று பல பில்லியன் டாலர் புரளுகின்ற ஹாலோவீன் தினம் கொண்டாடப்படுவதன் மூலம் பணப் புழக்கம் வெகுவாகப் புழங்கும் ஒரு வெளிச்சவிழாதான் ஹாலோவீன் விழா!!

ஹாலோவீன் இப்படித்தான்.......(Flash Back)
நான்காம் நூற்றாண்டில் ரோமச் சக்கரவர்த்தியாக இருந்த கான்ஸ்டண்டைன் காலத்தில் இறந்தவர்களின் நினைவாக அக்டோபர் மாதம் 31ம் தேதியை மரித்தோர் தினம் என்று கொண்டாடத் தலைப்பட்டனர்.



ஏழாம் நூற்றாண்டில் மே மாதத்தில் அனைத்துப் புனிதர்கள் நாள் (ALL SAINT'S DAY ) என்று கொண்டாடினர். 9ம் நூற்றாண்டில் இந்த நாள் நவம்பர் 1ம்தேதியாக மாறியது. அப்போது வாழ்ந்த பாகான் என்றழைக்கப்பட்ட கிறிஸ்தவர்கள் அற்பஆயுளில் இறந்தவர்கள் ஆவியாக பேயாக அக்டோபர் 31ம் தேதி வருவதாக நம்பி அந்த நாளை அனைத்து ஆவிகள் தினமாக( ALL HALLOW'S EVEN) என வழிபட்டனர். 10ம் நூற்றாண்டில் கிறிஸ்தவ ஆலயங்களில் நவம்பர் 2ம் தேதியை " அனைத்து ஆத்மாக்கள் தினம் " (ALL SOULS' DAY ) என இறந்து போன அனைத்து ஆத்மாக்களுக்காக ஏற்படுத்தினர். இந்த மூன்று தினங்களும் அடுத்தடுத்து வந்ததால் சில நாடுகளில் இதை ஒருங்கிணைத்து ஒன்றாக்கினர்.ஹாலோவீன் என்பதின் அடையாளச் சின்னமாக சூனியக்காரி உருவத்தை படு விகாரமாக ஏற்படுத்திக் கொண்டனர்.



இங்கிலாந்தில் இந்த நாளில் துடைப்பக் குச்சியில் ஒருவிதமான களிம்பை தடவி வீட்டுக்கு வெளியே வைத்துவிடுவார்களாம். பேயாக உலவும் ஆவிகள் இந்த துடைப்பக் குச்சியை எடுக்கும்போது அதிலுள்ள களிம்பு ஒட்டிக்கொள்வதால் கால்கள் தரையில் பாவாமல் வெகுவேகமாக நிலத்துக்கும் கடலுக்கும் மேல் பறந்து போய் விடுவதாக(!) நம்பி இப்படிச் செய்து வந்திருக்கின்றனர்.

இதனால் வீட்டுக்கு வந்தது விளக்குமாற்றோடு போச்சு என்று சொல்லிக்கொள்வார்களாம். ஐரிஷ் நாட்டில் ஸ்டிங்கி ஜேக் என்ற கட்டுக் கதை சொல்லபடுகிறது. ஸ்டிங்கி ஜேக் சாத்தானுடன் ஒரு ஒப்பந்தம்செய்து கொண்டதாகவும் அதன் படி உயிரோடு இருந்தவரை ஜேக்கிற்கு எந்த தீங்கும் செய்யவில்லையாம். ஜேக்இறந்த பிறகு சுவர்க்கத்திற்கு போகும்போது இருட்டாக இருந்ததால் வழிதெரியவில்லையாம். அப்போது சாத்தான் சொர்க்கத்துக்கு போகவிடாமல் தடுத்து எரியும் நெருப்புத்துண்டை வீசி எறிந்ததாம்.

ஜேக் அந்த நெருப்புத் துண்டை டர்னிப் காயில் வைத்துப் பிடித்துக்கொண்டு அந்த வெளிச்சத்தில் சொர்க்கம் போய் சேர்ந்ததாக கதை.ஸ்காட்டிஷ் குழந்தைகள் இன்றும் இதனை நினைவு கொள்ளும் வகையில் டர்னிப்பை வெட்டி மெழுகுவர்த்திகளை ஏற்றிவைப்பதை வழக்கமாகக் கொண்டுள்ளனர். இங்கிலாந்தின் ஒரு பகுதியில் இன்றும் பெரிய பெரிய பீட்ரூட்டைப் பயன்படுத்துகின்றனர்.



ஸ்காட்டிஷ், ஐரிஷ் இனத்தவர்கள் அமெரிக்காவில் வந்து குடியேறியபோது டர்னிப், பீட் ரூட், உருளைக்கிழங்குக்குப் பதிலாக பூசனிக்காயை அலங்காரப் பொருளாக வெவ்வேறு வடிவங்களில் வெட்டி வீடுதோறும் வைக்கும் வழக்கம் ஏற்பட்டது.ஐரோப்பியர்கள் வருடத்தில் இந்த அக்டோபர் மாதத்தில் மிகவும் கடினமானதாக கருதுவார்கள்.


ஏனெனில் நடுக்கி எடுக்கும் குளிர் துவங்கும் இம்மாதத்தில் குளிர் காலத்திற்குத் தேவையான உணவுப் பொருட்களை வீட்டில் சேகரித்து வைக்க வேண்டும். வீட்டுக்குள் வெப்பமாக வைத்துக் கொள்ள வேண்டும். வீட்டுக்கு வெளியே ஆவிகள் உலவும் என்றும் அதனால் அவைகளிடமிருந்து தங்களை பாதுகாத்துக் கொள்வதற்கு வீட்டுக்கு வெளியே போகும் போது அடையாளம் தெரியாமலிருக்க( ! ) முகமூடிகளை அணிந்து செல்லத் துவங்கினர்.

இது மெல்ல மெல்ல ஒரு வேடிக்கை நிகழ்வாக மாறி குழந்தைகள் வினோத உடைகள் முகத்திற்கு கவசம் அணிந்து அண்டை அயலாரை பயமுறுத்துகிற பாசாங்குதனை செய்யத் துவங்கினர்.


இங்கிலாந்தின் ஒரு பகுதியில் ஹாலோவீன் தினத்தில் வீடுவீடாகப் போய் பாட்டுப் பாடி பிச்சை எடுப்பார்கள். கேக்குகள், பணம் என்று அளிப்பதை இன்றும் காணலாம். ஸ்பானியர்கள் கல்லறைக்குச் சென்று கேக்குகளையும் பருப்பு வகைகளையும் வைத்து ஆவிகளை மகிழச் செய்வார்களாம்.

-அமெரிக்கா (விஸ்கான்சின்)விலிருந்து ஆல்பர்ட்